സംസ്ഥാനത്തെ സ്കൂളുകളുടെ പ്രവൃത്തി ദിവസം 210 ല് നിന്ന് 205 ആകും. ഇക്കാര്യത്തില് മുന് നിലപാടില് നിന്ന് സര്ക്കാര് പിന്നോട്ട് പോയി. ഭരണാനുകൂല സംഘടനയായ കെഎസ്ടിഎ അടക്കം ഉന്നയിച്ച വിമര്ശനങ്ങള്ക്ക് പിന്നാലെയാണ് നടപടി. മധ്യവേനലവധി ഏപ്രില് ആറ് മുതലെന്ന പ്രഖ്യാപനത്തിലും മാറ്റമുണ്ട്. നിലവിലെ മാര്ച്ച് 31 ന് തന്നെയായിരിക്കും ഇനിയും മധ്യവേനലവധി തുടങ്ങുക. ഇത്തവണത്തെ പ്രവേശനോത്സവ പരിപാടി മലയിന്കീഴ് സ്കൂളില് നടക്കുമ്പോള് അധ്യക്ഷ പ്രസംഗത്തിലാണ് പൊതുവിദ്യാഭ്യാസ വകുപ്പ് മന്ത്രി പുതിയ തീരുമാനങ്ങള് പ്രഖ്യാപിച്ചത്. കൂടിയാലോചനകളില്ലാതെ എടുത്ത തീരുമാനത്തിനെതിരെ അധ്യാപക സംഘടനകള് രംഗത്ത് വന്നതോടെയാണ് മുന്നിലപാടില് നിന്ന് സര്ക്കാര് പിന്നോട്ട് പോയത്. വിഷയത്തില് ഇന്ന് മന്ത്രിയുടെ അധ്യക്ഷതയില് അധ്യാപക സംഘടനകളുടെ യോഗം ചേര്ന്നിരുന്നു.