ഇരിട്ടി:എം എസ് എഫ് പെരിയത്തില്‍ ശാഖ കമ്മിറ്റിയുടെ ആഭിമുഖ്യത്തില്‍ എസ്എസ്എല്‍സി, പ്ലസ് ടു പരീക്ഷകളില്‍ ഉന്നത വിജയം നേടിയ വിദ്യാര്‍ത്ഥികളെ അനുമോദിച്ചു. എംഎസ്എഫ് ശാഖ പ്രസിഡന്റ് കെ.ഹിലാലിന്റെ അധ്യക്ഷതയില്‍ മുസ്ലിം യൂത്ത് ലീഗ് പേരാവൂര്‍ നിയോജകമണ്ഡലം പ്രസിഡന്റ് ഫവാസ് പുന്നാട് ഉദ്ഘാടനം നിര്‍വ്വഹിച്ചു.
എം.എസ്.എഫ് പേരാവൂര്‍ നിയോജക മണ്ഡലം പ്രസിഡന്റ് ഇ കെ ശഫാഫ്,മുനിസിപ്പല്‍ പ്രസിഡന്റ് സി. കെ സാദിഖ്, വാര്‍ഡ് കൗണ്‍സിലര്‍ എം. കെ നജ്മുന്നിസ, മുസ്ലിം ലീഗ് മുനിസിപ്പല്‍ സെക്രട്ടറി കെ.ഇബ്രാഹിംകുട്ടി, ശാഖ പ്രസിഡന്റ് കെ. എ. മുസ്തഫ, സെക്രട്ടറി മുഹമ്മദ് മാറോന്‍, ജിസിസി കെഎംസിസി നേതാക്കളായ എം.സൈനുദ്ധീന്‍, കെ. സത്താര്‍,പി. അബ്ദുല്‍ ഖാദര്‍, കബീര്‍ മാസ്റ്റര്‍ ,പി. പി. ഹാനിഹ്, പി. പി. സാലിഹ് തുടങ്ങിയവര്‍ സംസാരിച്ചു.
