പൊതുവഴിയിൽ മാലിന്യമുപേക്ഷിച്ച പഞ്ചായത്ത് മെമ്പർക്കെതിരെ എന്ത് നടപടിയെടുത്തുവെന്ന് സർക്കാരിനോട് ഹൈക്കോടതി. എറണാകുളം മ‌ഞ്ഞള്ളൂർ പഞ്ചായത്ത് മെമ്പർ പി.പി. സുധാകരൻ പൊതുവഴിയിൽ മാലിന്യം തള്ളുന്ന ദൃശ്യങ്ങൾ പുറത്തുവന്നിരുന്നു.
ബ്രഹ്മപുരം കേസ് പരിഗണിക്കുമ്പോഴാണ് ഹൈക്കോടതി ഡിവിഷൻ ബെഞ്ച് മെമ്പർക്കെതിരെ എന്ത് നടപടിയെടുത്തെന്ന് സർക്കാരിനോട് ചോദിച്ചത്.
വഴിയരികിൽ മാലിന്യം തള്ളിയ മെമ്പർക്കെതിരെ എന്ത് നടപടിയെടുത്തു. അടുത്ത സിറ്റിംഗിൽ ഇക്കാര്യം പരിശോധിച്ച് അറിയിക്കണമെന്നും കോടതി നിർദേശിച്ചു. വഴിയരുകിൽ മാലിന്യം തള്ളിയ സംഭവത്തിൽ മെമ്പർ പിഴയൊടുക്കിയിരുന്നു.
