കോഴിക്കോട് സര്ക്കാര് മെഡിക്കല് കോളേജിന്റെ വിവിധ വികസന പ്രവര്ത്തനനങ്ങള്ക്കായി 12.56 കോടി രൂപയുടെ ഭരണാനുമതി നല്കിയതായി ആരോഗ്യ മന്ത്രി വീണാ ജോര്ജ്. അത്യാധുനിക ഉപകരണങ്ങള് സജ്ജമാക്കുന്നതിന് 9.65 കോടി രൂപയും നവീകരണ പ്രവര്ത്തനങ്ങള്ക്കായി 2.91 കോടി രൂപയുമാണ് അനുവദിച്ചത്. മെഡിക്കല് കോളജില് കൂടുതല് സൗകര്യങ്ങളും സംവിധാനങ്ങളുമൊരുക്കാന് ഇതിലൂടെ സാധിക്കുന്നതാണ്. കോഴിക്കോട് മെഡിക്കല് കോളേജില് നവജാതശിശുക്കളുടെ പ്രത്യേക തീവ്ര പരിചരണത്തിന് ആദ്യമായി നിയോനെറ്റോളജി വിഭാഗം ആരംഭിച്ചിരുന്നു. അമ്മയ്ക്കും കുഞ്ഞിനും മതിയായ പരിചരണം ഉറപ്പാക്കാന് മികച്ച സൗകര്യങ്ങളൊരുക്കി. ഇതിന്റെ ഫലമായി ലക്ഷ്യ അംഗീകാരം ലഭിച്ചിരുന്നതായും മന്ത്രി വ്യക്തമാക്കി.