കേളകം:കലാകാരനായ അര്‍ജ്ജുന്‍ മാറോളിയുടെ എന്റെ നാട്ടകം ചിത്രങ്ങളുടെ പ്രദര്‍ശനം കേളകത്ത് വിജയകരമായി നടത്തുന്നതിന് വിവിധ സാംസ്‌കാരിക പ്രവര്‍ത്തകരെ ഉള്‍പ്പെടുത്തി സംഘാടക സമിതി രൂപീകരിച്ചു. കേളകം ഗ്രാമ പഞ്ചായത്ത് പ്രസിഡണ്ട് അനീഷ് സി.ടി ഉദ്ഘാടനം ചെയ്തു. കേളകം യൂത്ത് ക്ലബ് പ്രസിഡണ്ട് ടൈറ്റസ് പിസി അധ്യക്ഷനായിരുന്നു. വാര്‍ഡ് മെമ്പര്‍മാരായ ജോണി പമ്പാടിയില്‍, ബിജു പെരുമാത്തറ, സാമൂഹിക സാംസ്‌കാരിക രംഗത്തെ പ്രമുഖര്‍ എന്നിവര്‍ പങ്കെടുത്തു. പി.പി വ്യാസന്‍ മാസ്റ്റര്‍ പരിപാടികള്‍ വിശദീകരിച്ചു. ക്ലബ്ബ് സെക്രട്ടറി ശിവന്‍ പാലപ്പള്ളീല്‍ കെ.പി ഷാജി എന്നിവര്‍ സംസാരിച്ചു.
