കുന്നോത്ത്: ഭൂമിയുടെ റവന്യൂ അവകാശങ്ങള്‍ക്കായി മുനമ്പം തീരദേശ ജനത നടത്തുന്ന സമരപരിപാടികള്‍ക്ക് കുന്നോത്ത് എകെസിസി യൂണിറ്റ് ഐക്യദാര്‍ഢ്യം പ്രഖ്യാപിച്ചു.മുനമ്പം നിവാസികളായ 600 ല്‍ പരം കുടുംബങ്ങള്‍ നേരിടുന്ന പ്രതിസന്ധി പരിഹരിക്കുവാന്‍ സര്‍ക്കാര്‍ മുന്‍കൈ എടുക്കണമെന്നും അവര്‍ അനുഭവിക്കുന്ന പ്രശ്‌നങ്ങള്‍ ഗവണ്‍മെന്റ് കാണാതെ പോകരുതെന്നും യോഗം ആവശ്യപ്പെട്ടു.കുന്നോത്ത് പാരീഷ് ഹാളില്‍ ചേര്‍ന്ന യോഗം ഫൊറോനാ വികാരി ഫാദര്‍.സെബാസ്റ്റ്യന്‍ മുക്കിലിക്കാട്ട് ഉദ്ഘാടനം ചെയ്തു.എകെസിസി യൂണിറ്റ് പ്രസിഡന്റ് എന്‍.വി.ജോസഫ് അധ്യക്ഷത വഹിച്ചു.ഗ്ലോബല്‍ കമ്മിറ്റിയംഗം ബെന്നിപുതിയാമ്പുറം,ഇടവക കോര്‍ഡിനേറ്റര്‍ സെബാസ്റ്റ്യന്‍ കക്കാട്ടില്‍, വര്‍ക്കി തുരുത്തിമറ്റത്തില്‍,ഷാജി മംഗംലത്തില്‍,ജീന.കെ.മാത്യു,രന്‍ജന വടക്കേല്‍ തുടങ്ങിയവര്‍ സംസാരിച്ചു.
