സംസ്ഥാനത്ത് ഇന്ന് ഒറ്റപ്പെട്ട അതിശക്തമായ മഴയ്ക്ക് സാധ്യതയുണ്ടെന്ന് മുന്നറിയിപ്പ്. മണ്സൂണ് പാത്തി അതിന്റെ സാധാരണ പാതയില് നിന്ന് തെക്കോട്ടു മാറി സ്ഥിതി ചെയ്യുന്നുണ്ട്. കര്ണാടകയ്ക്കും സമീപ പ്രദേശങ്ങള്ക്കും മുകളിലായി ചക്രവാതചുഴിയും നിലനില്ക്കുന്നു. ബംഗാള് ഉള്ക്കടലിന്റെ മധ്യ ഭാഗത്ത് മറ്റൊരു ചക്രവാതചുഴി നിലനില്ക്കുന്നു. അതിന്റെ സ്വാധീനത്താല് അടുത്ത 12 മണിക്കൂറിനുള്ളില് മധ്യ-പടിഞ്ഞാറന് ബംഗാള് ഉള്ക്കടലില് ന്യൂനമര്ദ്ദം രൂപപ്പെടാന് സാധ്യതയുണ്ട്. മധ്യ ബംഗാള് ഉള്ക്കടലിലെ ചക്രവാതചുഴി മുതല് വടക്കന് കേരളം വരെ ഒരു ന്യൂനമര്ദ്ദപാത്തിയും സ്ഥിതി ചെയുന്നു. ഇതിന്റെ ഫലമായി ഇന്ന് ഒറ്റപ്പെട്ട അതിശക്തമായ മഴയ്ക്കും അടുത്ത അഞ്ച് ദിവസം വ്യാപകമായ മഴയ്ക്കും സാധ്യതയുണ്ടെന്നാണ് മുന്നറിയിപ്പ്. അടുത്ത മൂന്ന് മണിക്കൂറില് കേരളത്തിലെ എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് മിതമായ മഴയ്ക്കും, മറ്റ് ജില്ലകളില് നേരിയ മഴയ്ക്കും സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു. 11 മണിയോടെയാണ് ഈ അറിയിപ്പ് നല്കിയിട്ടുള്ളത്.
