സംസ്ഥാനത്ത് മഴ മുന്നറിയിപ്പില് മാറ്റം. 9 ജില്ലകളില് മഴ മുന്നറിയിപ്പ്. കൊല്ലം ,പത്തനംതിട്ട ,ആലപ്പുഴ ,കോട്ടയം, എറണാകുളം ,കോഴിക്കോട് ,കണ്ണൂര് ,കാസര്ഗോഡ് ജില്ലകളില് ആണ് മുന്നറിയിപ്പ് യെല്ലോ അലര്ട്ട് ആണ് പ്രഖ്യാപിച്ചത്. നാളെ 6 ജില്ലകള്ക്കും യെല്ലോ അലേര്ട്ട് പ്രഖ്യാപിച്ചു. പത്തനംതിട്ട ,ആലപ്പുഴ ,കോട്ടയം എറണാകുളം ,ഇടുക്കി ,തൃശ്ശൂര് ജില്ലകളിലാണ് യെല്ലോ അലേര്ട്ട്.
5 ദിവസം കൂടി മഴ തുടരും. ശക്തമായ കാറ്റിനും ഇടിമിന്നലിനും സാധ്യതയുള്ളതിനാല് ജാഗ്രത പാലിക്കണമെന്നും കേന്ദ്രകാലാവസ്ഥാ വകുപ്പ് മുന്നറിയിപ്പ് നല്കി. കേരള തീരത്തോട് ചേര്ന്ന് ന്യൂനമര്ദ്ദപാത്തി രൂപപ്പെട്ടിട്ടുണ്ടെന്നും കാലാവസ്ഥാ നിരീക്ഷണ വകുപ്പ് അറിയിച്ചു.
അറബിക്കടലില് ചക്രവാത ചുഴിയും നിലനില്ക്കുന്നുണ്ട്. കേരള ലക്ഷദ്വീപ് തീരങ്ങളില് ഏര്പ്പെടുത്തിയിരുന്ന മത്സ്യബന്ധന വിലക്ക് പിന്വലിച്ചിട്ടുണ്ട്.24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അര്ത്ഥമാക്കുന്നത്.
