കൊച്ചി മെട്രോയുടെ പേര് മാറ്റുന്നത് പരിഗണനയില് ഇല്ലെന്ന് മുഖ്യമന്ത്രി വി ഡി സതീശന്. സര്ക്കാര് അറിയാതെയാണ് കെഎംആര്എല് പേര് മാറ്റുന്നത് പ്രഖ്യാപിച്ചതെന്നും മുഖ്യമന്ത്രി വ്യക്തമാക്കി. കൊച്ചി മെട്രോ റെയില് ലിമിറ്റഡ് എന്നത് കേരളം മെട്രോ റെയില് ലിമിറ്റഡ് ആക്കാന് സര്ക്കാരിന് ശുപാര്ശ ചെയ്തെന്ന കെഎംആര്എല്ന്റെ പ്രസ്താവന തള്ളിക്കളഞ്ഞാണ് മുഖ്യമന്ത്രി പ്രതികരിച്ചത്. ഇത് സംബന്ധിച്ച വാര്ത്ത രാവിലെ പത്രത്തിലൂടെയാണ് അറിഞ്ഞതെന്നും അദ്ദേഹം പറഞ്ഞു. കൊച്ചി മെട്രോയുടെ പേര് മാറ്റം സര്ക്കാരിന്റെ ആലോചനയില് പോലുമില്ലെന്ന് വി ഡി സതീശന് പറഞ്ഞു. സര്ക്കാരിനൊട് ആലോചിക്കാതെയാണ് കെഎംആര്എല് പത്രവാര്ത്ത നല്കിയത്. പിന്നെ താനെന്തിന് പ്രതികരിക്കണമെന്നാണ് മുഖ്യമന്ത്രി ചോദിക്കുന്നത്.
