Local News

പേരാവൂർ: തെറ്റുവഴി പാലത്തിന് സമീപം ബൈക്ക് നിയന്ത്രണം വിട്ട് മറിഞ്ഞ് രണ്ട് പേർക്ക്‌ പരിക്ക് കുനിത്തല ചൗള നഗർ സ്വദേശികളായ സുധീഷ് , വിവേക് എന്നിവർക്കാണ് പരിക്ക് ഇരുവരേയും ആശുപത്രിയിൽ പ്രവേശിപ്പിച്ചു. രാത്രി 9.30ഓടെ ആയിരുന്നു അപകടം

കൊട്ടിയൂർ:കേരള കാർഷിക വികസന കാർഷക ക്ഷേമ വകുപ്പ് കൃഷിഭവൻ കൊട്ടിയൂരിൻ്റെ ആഭിമുഖ്യത്തിൽ നവകേരള സദസിൻ്റെ ഭാഗമായി ഭാരത പ്രകൃതി കൃഷി പദ്ധതി പ്രകാരം പരിശീലന പരിപാടി നടത്തി.ഔഷധ സസ്യങ്ങളും മാർക്കറ്റിംഗും എന്ന വിഷയത്തെ ആസ്‌പദമാക്കി നടത്തിയ പരിശിലനപരിപാടിയിൽ പ്രശസ്ത പ്രകൃതി ചികിൽസകൻ എൻ.ഇ.പവിത്രൻ ഗുരുക്കൾ ക്ലാസെടുത്തു. കൃഷി ഓഫീസർ എ.അപർണ പരിപാടി ഉൽഘാടനം നടത്തി. കൃഷി അസിസ്റ്റൻറ് റെജി, ഡോ. ചാർളി എന്നിവർ സംസാരിച്ചു

കളമശേരി സ്ഫോടനത്തിന്റെ പശ്ചാത്തലത്തില്‍ മുഖ്യമന്ത്രി പിണറായി വിജയന്റെ നേതൃത്വത്തില്‍ സര്‍വകക്ഷി യോഗം ചേര്‍ന്നു. യോഗത്തില്‍ ഐകകണ്ഠേന പ്രമേയം പാസാക്കി. സമാധാനത്തിന്റെയും സാഹോദര്യത്തിന്റെയും അന്തരീക്ഷം ജീവന്‍ കൊടുത്തും നിലനിര്‍ത്തും അതാണ് കേരളത്തിന്റെ പാരമ്പര്യം എന്നാണ് പ്രമേയത്തിലുള്ളത്.

സമാധാന അന്തരീക്ഷം തകര്‍ക്കാന്‍ അസഹിഷ്ണുതയുള്ളവര്‍ ശ്രമിക്കുന്നുണ്ട്. അവരുടെ ഒറ്റപ്പെട്ട ശ്രമങ്ങളെ കേരളം അതിജീവിക്കും. സ്പര്‍ദ്ധ വളര്‍ത്താനുള്ള ഇത്തരം നീക്കങ്ങളെ സമൂഹം മുളയിലെ നുള്ളി കളയണം. ഒറ്റപ്പെട്ട സംഭവങ്ങളെ മുന്‍നിര്‍ത്തി കേരളത്തിന്റെ മതനിരപേക്ഷ പാരമ്പര്യം തകര്‍ക്കാനും ശ്രമം നടക്കുന്നുണ്ട്. രാജ്യവിരുദ്ധവും സമൂഹവിരുദ്ധവുമായ ദുഷ്ടലാക്ക് തിരിച്ചറിയാനുള്ള ജാഗ്രത ഓരോ മനുഷ്യനും ഉണ്ടാകണമെന്നും പ്രമേയത്തില്‍ പറയുന്നു.

ദുബായ് അൽവാസൽ സ്റ്റേഡിയത്തിൽ വെച്ച് ഒക്ടോബർ 27 മുതൽ 29 വരെ നടന്ന ഇന്റർ നാഷ്ണൽ മാസ്റ്റേഴ്സ് അത് ലറ്റിക്സ് ചാമ്പ്യൻഷിപ്പിൽ രഞ്ജിത്ത് മാക്കുറ്റിക്ക് മൂന്ന് മെഡൽ.1500 മീറ്റർ ഓട്ടത്തിൽ സ്വർണ്ണ മെഡലും 5000 മീറ്റർ ഓട്ടത്തിൽ വെള്ളി മെഡലും,10000 മീറ്റർ ഓട്ടത്തിൽ വെങ്കല മെഡലും സ്വന്തമാക്കി തന്റെ ആദ്യ ഇന്റർനാഷണൽ ചാമ്പ്യൻഷിപ്പിൽ മെഡൽ വാരിക്കൂട്ടി  പേരാവൂർ ജനതയക്ക് അഭിമാനം ആയിമാറിയിരിക്കുയാണ് രഞ്ജിത് മാക്കുറ്റി. പേശി വലിവിനെ തുടർന്ന് 800 മീറ്റർ ഓട്ടത്തിലും,4400 റിലേയിലും പങ്കെടുക്കാൻ കഴിഞ്ഞില്ല.നിരവധി ഇന്റർ നാഷ്ണൽ ചാമ്പ്യൻഷിപ്പിൽ പങ്കെടുക്കാൻ അവസരം ലഭിച്ചെങ്കിലും സാമ്പത്തിക ബുദ്ധിമുട്ട് കാരണം പങ്കെടുക്കാൻ കഴിഞ്ഞിരുന്നില്ല എന്നാൽ ഈകുറി സഹപാടികളുടെയും നാട്ടുകാരുടെയും പിന്തുണയിൽ ആണ് ഇന്റർനാഷണൽ ചാമ്പ്യൻഷിപ്പിൽ പങ്കെടുക്കാൻ പോയ രഞ്ജിത് ദുബായിലും മെഡൽ നേട്ടം സ്വന്തമാക്കിയിരിക്കുന്നത്. ഇന്റർനാഷണൽ ചാമ്പ്യൻഷിപ്പിൽ 3 മെഡൽ നേടാൻ കഴിഞ്ഞതും, ഇന്ത്യക്കായി കളിക്കാൻ കഴിഞ്ഞതിലും അഭിമാനിക്കുന്നു എന്നും, ഇന്ത്യക്ക് വേണ്ടി കളിക്കുക എന്നത് തന്റെ വലിയ സ്വപനം ആയിരുന്നു എന്നും രഞ്ജിത് പറഞ്ഞു.നിരവധി സംസ്ഥാന, ദേശിയ മെഡൽ രഞ്ജിത് നേടിയിട്ടുണ്ട്. പേരാവൂർ ചെവിടിക്കുന്ന്  സ്വദേശി ആണ് മാക്കുറ്റി അനന്തൻ, നാരായണി ദമ്പതികളുടെ മകൻ ആണ് ഭാര്യ രമ്യാ, ദേശിയ അമ്പെയത് താരങ്ങൾ ആയ അനുരഞ്ജ്, അനുനന്ദ് മക്കൾ ആണ്.

ഇരിട്ടി: ഡെങ്കിപ്പനി ബാധിച്ച് ചികിത്സയിലായിരുന്ന ഗവേഷക വിദ്യാര്‍ത്ഥി മരിച്ചു.ഉളിക്കല്‍ കോക്കാടിലെ ഗൗരി സദനത്തില്‍
റിട്ട. അധ്യാപകന്‍ രാമചന്ദ്രന്‍ മാസ്റ്ററുടെയും, ഉളിക്കല്‍ ഗവ. ഹയര്‍ സെക്കണ്ടറി സ്‌കൂള്‍ പ്രിന്‍സിപ്പാള്‍ പടുവിലാന്‍ ഗൗരി ടീച്ചറുടെയും മകന്‍ പി.ആശിഷ് ചന്ദ്ര (26) ആണ് ചികിത്സയിലിരിക്കെ മരിച്ചത്.
ജൂനിയര്‍ റിസേര്‍ച്ച് ഫെല്ലോഷിപ്(ജെ ആര്‍ ഫ്) നേടി
ഫിസിക്‌സില്‍ പി എച്ച് ഡി വിദ്യാര്‍ത്ഥിയായിരുന്നു പി. ആശിഷ് ചന്ദ്ര.വ്യാഴാഴ്ച രാവിലെ ഉളിക്കല്‍ കോക്കാടിലെ വീട്ടില്‍ പൊതുദര്‍ശനത്തിനു വെച്ച ശേഷം 10 മണിക്ക് പരിക്കളം കയനിയില്‍ തറവാട്ട് വീട്ടുവളപ്പില്‍ സംസ്‌കരിക്കും

യുവാക്കൾക്കും വിദ്യാർത്ഥികൾക്കും വില്പന നടത്താനായി കഞ്ചാവ് കൈവശം വച്ച് കടത്തികൊണ്ടുവന്ന വയോധിക ദമ്പതികളെ പേരാവൂർ എക്സൈസ് പിടികൂടി എൻഡിപിഎസ് ആക്ട് പ്രകാരം കേസെടുത്തു.
കൊട്ടിയൂർ ചുങ്കക്കുന്ന് പൊട്ടൻതോട് സ്വദേശി പാണ്ടിമാക്കൽ വീട്ടിൽ ബാലൻ പി കെ , ഭാര്യ ശാരദ എന്നിവരാണ് മാനന്തവാടിയിൽ നിന്ന് കെഎസ്ആർടിസി ബസിൽ കടത്തിക്കൊണ്ടുവന്ന നാനൂറ്റിപ്പത്ത് ഗ്രാം കഞ്ചാവുമായി എക്സൈസ് സംഘത്തിന്റെ പിടിയിലായത്.

ചൊവ്വാഴ്ച രാവിലെ പേരാവൂർ ചെവിടിക്കുന്ന് ഭാഗത്ത് നടത്തിയ പരിശോധനയിലാണ് കെഎസ്ആർടിസിയിൽ ഇരിട്ടി ഭാഗത്തേക്ക് പോവുകയായിരുന്ന ഇവർ പിടിയിലായത്. എക്സൈസ് പ്രിവന്റീവ് ഓഫീസർ എം പി സജീവൻ്റെ നേതൃത്വത്തിൽ നടത്തിയ റെയ്ഡിൽ പ്രിവന്റീവ് ഓഫീസർ എൻ പത്മരാജൻ, പ്രിവന്റീവ് ഓഫീസർ ജയിംസ് സി എം, സിവിൽ എക്സൈസ് ഓഫിസർ ശിവദാസൻ പി എസ്, വനിത സിവിൽ എക്സൈസ് ഓഫിസർ ഷീജ കാവളാൻ എന്നിവർ പങ്കെടുത്തു. 2019ൽ 500 ഗ്രാം കഞ്ചാവുമായി പേരാവൂർ എക്സൈസ് പിടികൂടി റിമാൻ്റ് ചെയ്തതുൾപ്പെടെ നിരവധി കഞ്ചാവ് കേസുകളിൽ ഈ ദമ്പതികൾ പ്രതികളാണ്. ഇവരെ കൂത്തുപറമ്പ് കോടതിയിൽ ഹാജരാക്കി.