ഷുഹൈബ് വധക്കേസില് ഒന്നാം പ്രതിയായ ആകാശ് തില്ലങ്കേരിക്ക് കോടതി നോട്ടീസ് അയച്ചു. ജാമ്യം റദ്ദാക്കണമെന്ന പബ്ലിക് പ്രോസിക്യൂട്ടര് അഡ്വ. കെ.അജിത്ത് കുമാറിന്റെ ഹര്ജിയിലാണ് നോട്ടീസ്. മാര്ച്ച് ഒന്നിന് തലശ്ശേരി സെഷന്സ് കോടതിയില് ഹാജരാകാന് ആവശ്യപ്പെട്ടാണ് കോടതി നോട്ടീസ് അയച്ചിരിക്കുന്നത്. മട്ടന്നൂര് പൊലീസാണ് ആകാശിന്റെ ജാമ്യം റദ്ദാക്കാന് കോടതിയെ സമീപിച്ചത്.
