കോഴിക്കോട് സ്വകാര്യ ആശുപത്രിയില് കാലുമാറി ശസ്ത്രക്രിയ നടത്തിയെന്ന പരാതിയില് അന്വേഷണം നടത്തി റിപ്പോര്ട്ട് നല്കാന് ആരോഗ്യ വകുപ്പ് മന്ത്രി വീണാ ജോര്ജ് ജില്ലാ മെഡിക്കല് ഓഫീസര്ക്ക് നിര്ദേശം നല്കി. കക്കോടി സ്വദേശി സജ്നയുടെ ഇടതുകാലിന് പകരം ശസ്ത്രക്രിയ നടത്തിയത് വലതുകാലിലാണ്.
ആരോഗ്യ മന്ത്രിക്കും ഡി.എം.ഒ യ്ക്കും സജ്നയുടെ കുടുംബം പരാതി നല്കിയിട്ടുണ്ട്. നടക്കാവ് പൊലീസിന്റെ സഹായത്തോടെ നാഷണല് ആശുപതിയില് നിന്ന് ഡിസ്ചാര്ജ് ചെയ്ത സജ്നയെ തുടര് ചികിത്സയ്ക്കായി കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചു.
