ആരോഗ്യ വകുപ്പ് ഡയറക്ടര് ആയി ഡോ. കെ.ജെ. റീനയെ നിയമിച്ചു. നിലവില് ആരോഗ്യവകുപ്പ് അഡീഷണല് ഡയറക്ടര് ആണ്. ആരോഗ്യ വകുപ്പ് ഡയറക്ടറുടെ നിയമനവുമായി ബന്ധപ്പെട്ട് ആരോഗ്യ വകുപ്പ് പ്രിന്സിപ്പല് സെക്രട്ടറി കണ്വീനറും ഉദ്യോഗസ്ഥ ഭരണപരിഷ്കാര വകുപ്പ് അഡീഷണല് ചീഫ് സെക്രട്ടറി, നിയമ വകുപ്പ് സെക്രട്ടറി, മെഡിക്കല് വിദ്യാഭ്യാസ വകുപ്പ് ഡയറക്ടര് എന്നിവര് അംഗങ്ങളുമായ സെലക്ഷന് കമ്മിറ്റി സര്ക്കാര് രൂപീകരിച്ചിരുന്നു. ഈ കമ്മിറ്റി സമര്പ്പിച്ച പാനലിന്റെ അടിസ്ഥാനത്തിലാണ് ഡോ. കെ.ജെ. റീനയെ ആരോഗ്യ വകുപ്പ് ഡയറക്ടറായി നിയമിച്ചത്.
