പ്രശസ്ത സിനിമാനിര്മാതാവ് പി.കെ.ആര് പിള്ള അന്തരിച്ചു. കണ്ണാറ മണ്ടന്ചിറയിലെ വീട്ടില് വെച്ചായിരുന്നു അന്ത്യം. ചിത്രം, അമൃതംഗമയ, കിഴക്കുണരും പക്ഷി,വന്ദനം, അഹം, ഊമ പെണ്ണിന് ഉരിയാടാ പയ്യന്, എന്നിവയാണ് പികെആര്പി പിള്ള നിര്മിച്ച പ്രധാന ചിത്രങ്ങള്. ഷിര്ദ്ദിസായി ക്രിയേഷന്സ് എന്ന ബാനറിലാണ് ശ്രദ്ധേയമായ ഈ ചലച്ചിത്രങ്ങള് പിറന്നത്.
1984ലാണ് അദ്ദേഹം ആദ്യ ചിത്രം നിര്മിക്കുന്നത്. വെപ്രാളം എന്നായിരുന്നു ചിത്രത്തിന്റെ പേര്. മോഹന്ലാലിന്റെ കരിയറിലെ തന്നെ ഹിറ്റ് ചിത്രമായ പ്രിയദര്ശന് സിനിമ ചിത്രം പി.കെ.ആര് പിള്ളയുടെ സിനിമാ ജീവിതത്തിലേയും മലയാള സിനിമാ മേഖലയുടെ വളര്ച്ചയുടേയും നാഴികക്കല്ലായി. 26 ചിത്രങ്ങളാണ് അദ്ദേഹം മലയാളികള്ക്ക് സമ്മാനിച്ചത്. ഇതില് 16 ചിത്രങ്ങള് നിര്മ്മിക്കുകയും 10 ചിത്രങ്ങള് വിതരണം ചെയ്യുകയും ചെയ്തു.