പൊലീസ് സ്റ്റേഷനില്‍ പോക്സോ കേസ് പ്രതിയുടെ ആത്മഹത്യാശ്രമം. തിരിച്ചറിയല്‍ പരേഡിനിടെയാണ് പ്രതിയുടെ ആത്മഹത്യാശ്രമം. അഞ്ച് വയസുകാരിയെ പീഡിപ്പിച്ച കേസിലെ പ്രതിയാണ് ആത്മഹത്യക്ക് ശ്രമിച്ചത്. തൊടുപുഴ പൊലീസ് സ്റ്റേഷനില്‍ വെച്ചായിരുന്നു സംഭവം. അഞ്ച് വയസുകാരിയെ പീഡിപ്പിച്ച രണ്ടാനച്ഛനാണ് ആത്മഹത്യാശ്രമം നടത്തിയത്.
പെണ്‍കുട്ടിയുടെ വെളിപ്പെടുത്തലിന്റെ അടിസ്ഥാനത്തിലായിരുന്നു പ്രതിയെ പൊലീസ് കസ്റ്റഡിയിലെടുത്തത്. തിരിച്ചറിയല്‍ പരേഡിനിടെ പെണ്‍കുട്ടി രണ്ടാനച്ഛനാണ് പീഡിപ്പിച്ചതെന്ന് തിരിച്ചറിയുകയും ചെയ്തു. തുടര്‍ന്നായിരുന്നു പൊലീസ് സ്റ്റേഷനില്‍ നാടകീയ സംഭവങ്ങള്‍. കൈയില്‍ കരുതിയ ബ്ലേഡ് ഉപയോ?ഗിച്ച് കൈ ഞരമ്പ് മുറിക്കാന്‍ ശ്രമിക്കുകയായിരുന്നു.
ഉടന്‍ തന്നെ പ്രതിയെ പൊലീസുകാര്‍ തൊടുപുഴയിലെ സ്വകാര്യ ആശുപത്രിയില്‍ പ്രവേശിപ്പിച്ചു. പ്രതിയുടെ പരിക്ക് ഗുരുതരമല്ല എന്നാണ് ആശുപത്രി അധികൃതര്‍ നല്‍കുന്ന വിവരം.
