പ്രധാനമന്ത്രി നരേന്ദ്രമോദിയുടെ മന്‍കിബാത്ത് പരിപാടി പുനരാരംഭിച്ചു. മൂന്നാം നരേന്ദ്രമോദി സര്‍ക്കാര്‍ അധികാരത്തിലെത്തിയ ശേഷമുള്ള ആദ്യ മന്‍കി ബാത് പരിപാടിയില്‍ കേരളത്തിലെ അട്ടപ്പാടിയിലെ ആദിവാസി സ്ത്രീകള്‍ നിര്‍മിക്കുന്ന കാര്‍ത്തുമ്പി കുടകളെ കുറിച്ച് പ്രധാനമന്ത്രി പരാമര്‍ശിച്ചു. ഭരണഘടനയിലും ജനാധിപത്യത്തിലും വിശ്വാസം അര്‍പ്പിച്ച് തെരഞ്ഞെടുപ്പിന്റ ഭാഗമായ ജനങ്ങളെ പ്രധാനമന്ത്രി അഭിനന്ദിച്ചു.
ലോക പരിസ്ഥിതി ദിനത്തിന്റെ ഭാഗമായുള്ള മാതാവിന്റെ പേരില്‍ ഒരു വൃക്ഷം, പദ്ധതിയുടെ ഭാഗമാകാന്‍ പ്രധാനമന്ത്രി ആഹ്വാനം ചെയ്തു. ഒളിമ്പിക്‌സില്‍ പങ്കെടുക്കുന്ന ഇന്ത്യന്‍ ടീമിന് ആശംസകള്‍ അറിയിച്ച പ്രധാനമന്ത്രി,അന്താരാഷ്ട്ര യോഗാ ദിനാചരണം, ആഗോളതലത്തില്‍ ഇന്ത്യന്‍ സിനിമകളുടെ മികവിനെക്കുറിച്ചും പരാമര്‍ശിച്ചു.
