പേരാവൂര്‍:തിങ്കളാഴ്ച 12 മണിയോടെ വീശിയടിച്ചകാറ്റില്‍ മലയോരത്ത് വ്യാപക നാശനഷ്ടം.തൊണ്ടിയില്‍ കുറുമ്പുറത്ത് ജോമിഷിന്റെ വീടിന് മുകളില്‍ തെങ്ങ് വീണ് വീട് ഭാഗികമായി തകര്‍ന്നു.പേരാവൂര്‍ തെരുവത്ത് തേക്ക് മരം ഇലക്ട്രിക് ലൈനിലേക്ക് കടപുഴകി വീണു.കണിച്ചാര്‍ ചന്ദമാംകുന്നില്‍ റോഡിലേക്ക് മരം പൊട്ടി വീണ് ഗതാഗതം തടസപ്പെട്ടു.കുനിത്തലമുക്കില്‍ കൃഷി ഭവന് മുന്നില്‍ മരം റോഡിലേക്ക് പൊട്ടി വീണ് ഗതാഗതം തടസപ്പെട്ടു.പേരാവൂര്‍ ഫയര്‍ഫോഴ്‌സ് എത്തി മരം മുറിച്ച് മാറ്റി .
