ഇരിട്ടി:കുടുംബശ്രീ ജില്ലാമിഷന് കീഴില്‍ പ്രവര്‍ത്തിക്കുന്ന ആറളം പട്ടികവര്‍ഗ്ഗ പ്രത്യേക പദ്ധതിയുടെ ഭാഗമായി ആറളം ഫാമിനുള്ളിലെ ഷീ ക്ലബ്ബ് അംഗങ്ങളായ 13 നും 25 നും ഇടയില്‍ പ്രായമുള്ള പെണ്‍കുട്ടികള്‍ക്കാണ് ബ്ലോക്ക് 13 വയോജന കേന്ദ്രത്തില്‍ വച്ച് പരിപാടി സംഘടിപ്പിച്ചത്. ഭക്ഷണം, പോഷകം, ആരോഗ്യം, ശുചിത്വം എന്നീ വിഷയങ്ങളെ ആസ്പദമാക്കിയുള്ള പരിശീലനങ്ങളും ബോധവല്‍ക്കരണവുമാണ് എഫ്എന്‍എച്ച്ഡബ്ല്യു പദ്ധതി പ്രകാരം നടപ്പിലിക്കുന്നത് .
ബ്ലോക്ക് 13 എ ഡി എസ് ചെയര്‍പേഴ്‌സണ്‍ കെ അഞ്ജുവിന്റെ അധ്യക്ഷതയില്‍ വാര്‍ഡ് മെമ്പര്‍ മിനി ദിനേശന്‍ പരിപാടി ഉദ്ഘാടനം ചെയ്തു.
ആറളം പട്ടിക വര്‍ഗ്ഗ പ്രത്യേക പദ്ധതി കൗണ്‍സിലര്‍ ടി വി ജിതേഷ് പദ്ധതി വിശദീകരണം നടത്തി.വി വി .ശ്രുതി ,സുശീല സാലി, വത്സമ്മ ഫോബി എന്നിവര്‍ പരിശീലനം നയിച്ചു.ആനിമേറ്റര്‍മാരായ പ്രവീണ്‍, ജിബിന്‍ , സുമി ,പി സനൂപ് , സനിത എന്നിവര്‍ സംസാരിച്ചു.
