ഇരിട്ടി:ചെമ്പേരി വിമല്‍ജ്യോതി എന്‍ജിനീയറിംഗ് കോളേജിലെയും എംബിഎ കോളേജിലെ 2024 വര്‍ഷത്തെ പ്രവേശനോത്സവം ജ്യോതിര്‍ഗമയ 2024 എന്ന പേരില്‍ സംഘടിപ്പിച്ചു. തലശ്ശേരി അതിരൂപത ആര്‍ച്ച് ബിഷപ്പ് എമിറേറ്റ്‌സ് മാര്‍ ജോര്‍ജ് ഞരളക്കാട്ട് ഉദ്ഘാടനം ചെയ്തു. മൂല്യബോധവും സ്വഭാവശുദ്ധിയുമുള്ള യുവതി-യുവാക്കള്‍ പഠന മികവിലൂടെ മുന്നോട്ടു വരുമ്പോള്‍ മാത്രമേ നല്ലൊരു സമൂഹ സൃഷ്ടി സാധ്യമാവുകയുള്ളൂ എന്ന് അദ്ദേഹം ഓര്‍മ്മപ്പെടുത്തി. അര്‍പ്പണബോധവും സ്ഥിരോത്സാഹവും ഒത്തുചേര്‍ന്ന വിദ്യാര്‍ത്ഥി സമൂഹത്തില്‍ ആണ് രാജ്യത്തിന്റെ ഭാവി കുടികൊള്ളുന്നതെന്ന് അദ്ദേഹം പറഞ്ഞു. കോളേജ് ചെയര്‍മാന്‍ മോണ്‍സിഞ്ഞോര്‍
ആന്റണി മുതുകുന്നേല്‍ അധ്യക്ഷനായ ചടങ്ങില്‍ മാനേജര്‍ ഫാ.ജെയിംസ് ചെല്ലംകോട്, പ്രിന്‍സിപ്പല്‍ ഡോക്ടര്‍.ബെന്നി ജോസഫ്,എംബി എ കോളേജ് പ്രിന്‍സിപ്പാള്‍ ഫാ.ജിനു വടക്കേമുളഞ്ജനാല്‍, ബഴ്സര്‍ ഫാ.ലാസര്‍ വരമ്പത്ത്, പിടിഎ വൈസ് പ്രസിഡണ്ട് ദിനേശ് ചന്ദ്രന്‍, പ്രൊഫസര്‍ കെ വി ജോര്‍ജ്ജ്, വിദ്യാര്‍ത്ഥി യൂണിയന്‍ ചെയര്‍മാന്‍ ഡിയോണ്‍ അജി മാത്യു എന്നിവര്‍ സംസാരിച്ചു.
