തില്ലങ്കേരി: നവംബര്‍ 1 കേരളപ്പിറവി ദിനത്തോടനുബന്ധിച്ച് കാവുംമ്പടി സിഎച്ച്എം ഹയര്‍സെക്കന്‍ഡറി സ്‌കൂള്‍ എസ് പി സി കേഡറ്റുകളുടെ നേതൃത്വത്തില്‍ ചങ്ങാതിക്കൂട്ടം പരിപാടി സംഘടിപ്പിച്ചു. കാവുംപടി അങ്കണവാടിയില്‍ എത്തിയ എസ് പി സി കേഡറ്റുകളെ അംഗന്‍വാടി ടീച്ചര്‍ കദീജ സി കെ, ഹെല്‍പ്പര്‍ സലീന എന്നിവര്‍ പായസം നല്‍കി സ്വീകരിച്ചു. അംഗനവാടിയിലെ കുട്ടികള്‍ക്ക് സമ്മാനങ്ങളും, മധുര പലഹാരങ്ങള്‍ നല്‍കുകയും ചെയ്തു.സ്‌കൂള്‍ ഹെഡ്മിസ്ട്രസ് മിനി ജോസഫ്, മുഹമ്മദ് മാസ്റ്റര്‍,മുഹമ്മദലി കെവി, സമീറ, റസീന. ഇ എസ്, സലീന. ഒ എന്നിവര്‍ സംസാരിച്ചു.
