കണ്ണൂര്‍:അന്‍പതു വയസു മുതല്‍ കുറഞ്ഞ നിരക്കില്‍ ഇ പി എഫ് പെന്‍ഷന്‍ വാങ്ങുന്ന ആറളം ഫാമിലെ തൊഴിലാളികളുടെ പെന്‍ഷന്‍ സംബന്ധമായ അപാകതകള്‍ പരിഹരിക്കണമെന്നാവശ്യപ്പെട്ട് ആറളം ഫാം ഇ പി എഫ് പെന്‍ഷന്‍ അസോസിയേഷന്‍ ഭാരവാഹികളുടെ നേതൃത്വത്തില്‍ കേന്ദ്ര മന്ത്രി ജോര്‍ജ് കുര്യന് നിവേദനം സമര്‍പ്പിച്ചു.ഇ പി എഫ് പെന്‍ഷന്‍ അസോസിയേഷന്‍ പ്രസിഡണ്ട് പി ജെ ചാക്കോ,കണ്‍വീനര്‍ എ വി ജോസ്,ട്രഷറര്‍ വി യു ജോസഫ് എന്നിവര്‍ ചേര്‍ന്നാണ് കണ്ണൂര്‍ ഗസ്റ്റ് ഹൗസില്‍ വച്ച് നിവേദനം നല്‍കിയത്.വിഷയത്തില്‍ അനുഭാവപൂര്‍വ്വമായ നടപടി ഉണ്ടാകുമെന്ന് മന്ത്രി നിവേദക സംഘത്തിന് ഉറപ്പ് നല്‍കി.
