സര്ക്കാര് മെഡിക്കല് കോളേജ് ഡോക്ടര്മാര് ഇന്ന് ഒ പി ബഹിഷ്കരിച്ച് പ്രതിഷേധിക്കും. കെജിഎംസിടിഎയുടെ നേതൃത്വത്തില് സെക്രട്ടേറിയേറ്റിനു മുന്നില് രാവിലെ 10 മണി മുതല് ധര്ണ്ണ നടത്തും. ഡിഎ കുടിശ്ശിക, ശമ്പള പരിഷ്കരണം ഉള്പ്പെടെയുള്ള വിഷയങ്ങള് ഉന്നയിച്ചാണ് പ്രതിഷേധം. അടിയന്തിര ചികിത്സ ഒഴികെയുള്ള സേവനങ്ങളും അധ്യാപനവും ഇന്ന് ഡോക്ടര്മാര് ബഹിഷ്കരിക്കും
ഒ.പി. ബഹിഷ്കരണത്തോടൊപ്പം അടിയന്തിരമല്ലാത്ത ശസ്ത്രക്രിയകളും മറ്റ് പ്രൊസീജറുകളും ഇന്ന് നടക്കില്ല. ഡിഎ കുടിശ്ശിക, ശമ്പള പരിഷ്കരണം ഉള്പ്പെടെ യുള്ള വിഷയങ്ങള് ഉന്നയിച്ച് ജനുവരി 22 മുതല് അധ്യാപന ബഹിഷ്കരണ സമരത്തിലാണ്. തങ്ങള് ഉന്നയിച്ച ആവശ്യങ്ങള് സര്ക്കാര് അംഗീകരിക്കാത്ത പശ്ചാത്തലത്തിലാണ് കടുത്ത സമരത്തിലേക്ക് നീങ്ങുന്നതെന്നാണ് ഡോക്ടേഴ്സ് വ്യക്തമാക്കിയിരിക്കുന്നത്.
