പ്രധാനമന്ത്രി പങ്കെടുക്കുന്ന ദേശീയപാത ഉദ്ഘാടന ചടങ്ങില് നിന്ന് മുഖ്യമന്ത്രി വിട്ടുനില്ക്കും. സംസ്ഥാനത്തിന് അര്ഹമായ പരിഗണന ഉദ്ഘാടന ചടങ്ങില് ലഭിച്ചില്ലെന്ന ആക്ഷേപം ഉയര്ന്നു. മന്ത്രി മുഹമ്മദ് റിയാസിനെ ചടങ്ങിലേക്ക് ക്ഷണിച്ചിരുന്നില്ല. കേരളത്തിലെ ദേശീയപാത വികസനവുമായി ബന്ധപ്പെട്ട് ഏറ്റവും ശക്തമായി ഇടപെടല് നടത്തിയത് സംസ്ഥാന സര്ക്കാരാണ്. ഭൂമി ഏറ്റെടുക്കലിന് ആവശ്യമായ നടപടി സ്വകരിച്ചിട്ടും ഉദ്ഘാടന ചടങ്ങില് അര്ഹമായ പരിഗണന ലഭിച്ചില്ലെന്നാണ് സംസ്ഥാന സര്ക്കാര് പറയുന്നത്.
ഇന്ന് പ്രധാനമന്ത്രി നരേന്ദ്രമോദി നിര്വഹിക്കുന്ന ദേശീയപാതാ ഉദ്ഘാടന ചടങ്ങില് നിന്ന് പൊതുമരാമത്ത് വകുപ്പ് മന്ത്രി പിഎ മുഹമ്മദ് റിയാസിനെ ഒഴിവാക്കിയിരുന്നു. ദേശീയ പാതാ വികസനത്തിനായി കേരള സര്ക്കാര് 5580 കോടി രൂപയാണ് നല്കിയത്. സംസ്ഥാനത്ത് ആദ്യമായി നിര്മാണം പൂര്ത്തിയാക്കിയ റീച്ച് ആണ് പ്രധാനമന്ത്രി ഇന്ന് ഉ?ദ്ഘാടനം ചെയ്യുന്നത്.
ദേശീയപാത വികസനത്തിന്റെ ഭാഗമായി 2,650 കോടി രൂപ ചെലവിലാണ് നിര്മിച്ച ദേശീയപാത 66ലെ തലപ്പാടി ചെങ്കള ആറുവരിപ്പാതയാണ് നാടിന് സമര്പ്പിക്കുന്നത്. മുംബൈ കന്യാകുമാരി ഇക്കോണോമിക് ഇടനാഴിയുടെ ഭാഗമായ ഈ റോഡ് കണ്ണൂര്, കാസര്കോട് ജില്ലകളെയും മുഴപ്പിലങ്ങാട്, മംഗലാപുരം പ്രദേശങ്ങളെയും തമ്മില് ബന്ധിപ്പിക്കുന്നതാണ്. 39 കിലോമീറ്റര് നീളമുള്ള സ്ട്രെച്ചിന്റെ നിര്മാണം തുടങ്ങിയത് 2021 നവംബറിലാണ്. 2025 ഓഗസ്റ്റ് 25-ന് പൂര്ത്തിയാക്കി.
