ഒഴിഞ്ഞ മദ്യക്കുപ്പികള് തിരികെ വാങ്ങുന്ന പദ്ധതി നിര്ത്തലാക്കിയെന്ന് ഇന്നുമുതല് ബെവ്കോ ഔട്ട്ലറ്റുകളില് നോട്ടീസ് പ്രദര്ശിപ്പിക്കും. കാലിയായ മദ്യക്കുപ്പികള് അടിഞ്ഞു കൂടിയതോടെയാണ് കാലിയായ മദ്യകുപ്പികള് നീക്കം ചെയ്യാതെ പല ഔട്ട്ലറ്റുകളിലും കെട്ടികിടന്നു. കുപ്പികള് ശേഖരിക്കുന്നതുമായി ബന്ധപ്പെട്ട് ജീവനക്കാര് പരാതി അറിയിച്ചിരുന്നു. മദ്യശാല പരിസരങ്ങളിലും പ്ലാസ്റ്റിക് കുപ്പികളെന്ന് പരാതി വന്നിരുന്നു. ഇതോടെയാണ് പദ്ധതിയില് നിന്നുള്ള ബെവ്കോയുടെ പിന്നോട്ട് പോകാന് തീരുമാനിച്ചത്.
ഒഴിഞ്ഞ കുപ്പി തിരികെ നല്കിയാല് 20 രൂപ തിരികെ നല്കുന്നതാണ് പദ്ധതി. എല്ഡിഎഫ് നടപ്പാക്കിയ പദ്ധതിക്കെതിരെ നേരത്തെ വ്യാപക പരാതി ഉയര്ന്നിരുന്നു. ഇതുവരെ മദ്യം വാങ്ങിയവര്ക്ക് ഈ മാസം 20 വരെ കുപ്പി തിരികെ നല്കി പണം കൈപ്പറ്റാം. ഈ പദ്ധതിയുടെ പ്രധാന പ്രത്യേകത ഉപഭോക്താവില് നിന്ന് പ്ലാസ്റ്റിക് കുപ്പികള്ക്ക് 20 രൂപ ഡെപ്പോസിറ്റായി ഈടാക്കുന്നു എന്നതാണ്. ഈ തുക മദ്യത്തിന്റെ വിലയില് ഉള്പ്പെടുന്നതല്ല.
ബെവ്കോ സ്റ്റിക്കര് വ്യക്തമായി കാണുന്ന രീതിയില് ഒഴിഞ്ഞ കുപ്പി തിരികെ നല്കുമ്പോള് ഈ 20 രൂപ ഉപഭോക്താവിന് തിരികെ ലഭിക്കും. മദ്യക്കുപ്പികള് വഴിയിലോ പൊതുസ്ഥലങ്ങളിലോ വലിച്ചെറിയുന്ന പ്രവണത കുറയ്ക്കാനും അവയെ പുനരുപയോഗിക്കാനോ പുനഃചംക്രമണം ചെയ്യാനോ സഹായിക്കുമെന്നതായിരുന്നു പദ്ധതിയുടെ ലക്ഷ്യം. 2025 സെപ്റ്റംബറിലാണ് പദ്ധതി ആരംഭിച്ചത്.
