തില്ലങ്കേരി: മച്ചൂര്‍മലയില്‍ സ്റ്റേഡിയം നിര്‍മ്മിക്കുന്നതിനായി സ്റ്റേഡിയം നിര്‍മ്മാണ കമ്മറ്റി നടപ്പിലാക്കിയ സ്വര്‍ണ്ണ സമ്മാന പദ്ധതിയുടെ നറുക്കെടുപ്പ് മച്ചൂര്‍മലയില്‍ നടന്നു. തില്ലങ്കേരി മുന്‍ പഞ്ചായത്ത് പ്രസിഡന്റ് കെ എ ഷാജി, ഇരിട്ടി ബ്ലോക്ക് പഞ്ചായത്ത് അംഗം സി സനീഷ് എന്നിവര്‍ ചേര്‍ന്ന് നറുക്കെടുത്തു. മുന്‍ പഞ്ചായത്ത് അംഗം സി രാജന്‍ അധ്യക്ഷത വഹിച്ചു. വാര്‍ഡ് മെമ്പര്‍ കെ കുമാരന്‍,കെ കെ പ്രീത,പി സുധീഷ്,ടി അജേഷ് തുടങ്ങിയവര്‍ സംബന്ധിച്ചു.ഒന്നാം സമ്മാനമായ ഒരു പവന്‍ സ്വര്‍ണ്ണ സമ്മാനം ആദിയ സനീഷും,രണ്ടാം സമ്മാനമായ സ്മാര്‍ട്ട് ഫോണ്‍ പ്രമീള ചന്ദ്രനും നേടി.600 ഓളം ആളുകളാണ് സമ്മാനപദ്ധതിയില്‍ അംഗങ്ങളായത്.സമ്മാനം ലഭിക്കാത്തവര്‍ക്ക് 3 ഫൈബര്‍ കസേരകളും നല്‍കി.
