വയനാട്ടില്‍ വീണ്ടും കടുവയിറങ്ങി.പടിഞ്ഞാറത്തറ പഞ്ചായത്തിലെ കുപ്പാടിത്തറയില്‍ കടുവയെ കണ്ടതായാണ് പ്രദേശവാസികള്‍ അറിയിച്ചത്. വനംവകുപ്പ്, ആര്‍ആര്‍ടി സംഘം സ്ഥലത്ത് പരിശോധിക്കുകയാണ്. കുപ്പാടിത്തറയിലേക്ക് കൂടുതല്‍ വനപാലകരെയെത്തിച്ചാണ് തെരച്ചില്‍ നടത്തുന്നത്. കടുവയെ മയക്കുവെടിവെച്ച് പിടികൂടാനാണ് ശ്രമം. കര്‍ഷകന്റെ ജീവനെടുത്ത കടുവയാണോ പടിഞ്ഞാറത്തറയില്‍ എത്തിയതെന്ന് ഇതുവരെയും സ്ഥിരീകരിച്ചിട്ടില്ല.
