കണ്ണൂര് ഹജ്ജ് എംബാര്ക്കേഷന് പോയിന്റില് പരമാവധി യാത്രക്കാരെ കൊണ്ടുപോകാന് കഴിയുംവിധം സൗകര്യങ്ങള് ഒരുക്കുമെന്ന് ഹജ്ജിന്റെ ചുമതലയുള്ള മന്ത്രി വി അബ്ദുറഹിമാന് പറഞ്ഞു. കണ്ണൂര് അന്താരാഷ്ട്ര വിമാനത്താവളത്തില് പുതുതായി അനുവദിച്ച ഹജ്ജ് എംബാര്ക്കേഷന് പോയിന്റിനായി സൗകര്യങ്ങള് ഒരുക്കുന്നത് സംബന്ധിച്ച് വിലയിരുത്താന് വിമാനത്താവളത്തില് എത്തിയതായിരുന്നു മന്ത്രി. ഇതുസംബന്ധിച്ച് ആദ്യ യോഗം മന്ത്രിയുടെ അധ്യക്ഷതയില് ചേര്ന്നു. കണ്ണൂര് മേഖലയില് നിന്നുള്ള പരമാവധി ഹജ്ജ് യാത്രക്കാരെ ഇവിടേക്ക് ആകര്ഷിക്കാന് കഴിയുന്ന വിധം ആവശ്യമായ മികച്ച സൗകര്യങ്ങള് ഒരുക്കാനാണ് ഉദ്ദേശിക്കുന്നത്. ഇതിനായി സംസ്ഥാന ബജറ്റില് ഒരു കോടി രൂപ പ്രഖ്യാപിച്ചിട്ടുണ്ടെന്നും മന്ത്രി പറഞ്ഞു.
യോഗത്തില് കെ കെ ശൈലജ ടീച്ചര് എംഎല്എ, ജില്ലാ കലക്ടര് എസ് ചന്ദ്രശേഖര്, മട്ടന്നൂര് നഗരസഭാ ചെയര്മാന് എന് ഷാജിത്, എഡിഎം കെ കെ ദിവാകരന്, ജില്ലാ തല ഉദ്യോഗസ്ഥര്, വിമാനത്താവള അധികൃതര് തുടങ്ങിയവര് പങ്കൈടുത്തു.
