പേരാവൂര്: തപാല് സ്വകാര്യവല്ക്കരണ നടപടികള് ഉപേക്ഷിക്കുക,ആര് എം എസ് ഓഫീസുകള് അടച്ചുപൂട്ടുന്ന നടപടികള് ഉപേക്ഷിക്കുക, ഡാക്മിത്ര, കോമണ്സര്വീസ് സെന്റര് പദ്ധതി ഉപേക്ഷിക്കുക, പോസ്റ്റോഫീസ് സേവിംഗ്സ് ബാങ്ക് സംരക്ഷിക്കുക, ഒഴിവുള്ള എല്ലാ തസ്തികകളിലും നിയമനം നടത്തുക തുടങ്ങിയ ആവശ്യങ്ങളുന്നയിച്ച് ആഗസ്റ്റ് 10 ന് തപാല് ആര്.എം.എസ് ജീവനക്കാര് നടത്തുന്ന അഖിലേന്ത്യ പണിമുടക്കിന്റെ ഭാഗമായി സംഘടിപ്പിച്ച വാഹന പ്രചരണ ജാഥക്ക് പേരാവൂരില് സ്വീകരണം നല്കി. ജാഥാ ലീഡര് യൂണിയന് സംസ്ഥാന അസിസ്റ്റന്റ് സെക്രട്ടറി കെ മോഹനന്, കെ ശശി, എം.പി രഞ്ജിത്ത് എന്നിവര് സംസാരിച്ചു.
