ഇലക്ടറല് ബോണ്ട് കേസില് സ്റ്റേറ്റ് ബാങ്ക് ഓഫ് ഇന്ത്യക്ക് സുപ്രീം കോടതി വീണ്ടും നോട്ടീസ് നല്കി. ഇലക്ടറല് ബോണ്ടുമായി ബന്ധപ്പെട്ട് പ്രസിദ്ധീകരിച്ച വിവരങ്ങള് അപൂര്ണമായതിനാലാണ് ഇത്. പ്രസിദ്ധീകരിച്ച രേഖകളില് എന്തുകൊണ്ട് സീരിയല് നമ്പറുകള് ഇല്ലെന്ന് കോടതി എസ്ബിഐയോട് ചോദിച്ചു. തെരഞ്ഞെടുപ്പ് കമ്മീഷന് നല്കിയ രേഖകള് തിരികെ നല്കാമെന്ന് പറഞ്ഞ കോടതി, എല്ലാ രേഖകളും മാര്ച്ച് 17 നകം പ്രസിദ്ധീകരിക്കണമെന്ന് തെരഞ്ഞെടുപ്പ് കമ്മീഷന് നിര്ദ്ദേശം നല്കി. ഇലക്ടറല് ബോണ്ടുകളുടെ സീരിയല് നമ്പറുകള് പുറത്തുവിട്ടാല് ബോണ്ട് നല്കിയതാരാണെന്നും പണം ഏത് പാര്ട്ടിയുടെ അക്കൗണ്ടിലേക്കാണ് പോയതെന്നും വ്യക്തമാകും.