മദ്യനയ അഴിമതിക്കേസില് അറസ്റ്റിലായ അരവിന്ദ് കെജ്രിവാളിന് ഡല്ഹി മുഖ്യമന്ത്രിസ്ഥാനത്തുനിന്ന് നീക്കണമെന്ന ഹര്ജി ഡല്ഹി ഹൈക്കോടതി തള്ളി. ഡല്ഹി ഹൈക്കോടതി ആക്ടിങ് ചീഫ് ജസ്റ്റിസ് മന്മോഹന്റെ അധ്യക്ഷതയിലുള്ള ബെഞ്ചാണ് ഹര്ജി തള്ളിയത്. കെജ്രിവാളിനെ മുഖ്യമന്ത്രി സ്ഥാനത്തുനിന്ന് നീക്കാന് ചട്ടമില്ലെന്നും കോടതി വാക്കാല് നിരീക്ഷിച്ചു. ഇക്കാര്യത്തില് ജുഡിഷ്യല് ഇടപെടല് ആവശ്യമില്ലെന്നും ഹൈക്കോടതി വ്യക്തമാക്കി.
എക്സിക്യുട്ടീവാണ് ഈ വിഷയത്തില് തീരുമാനമെടുക്കേണ്ടതെന്ന് കോടതി നിരീക്ഷിച്ചു. സുര്ജിത് സിങ് യാദവ് എന്ന വ്യക്തി നല്കിയ പൊതുതാത്പര്യ ഹര്ജിയാണ് ഡല്ഹി ഹൈക്കോടതി തള്ളിയത്. സാമ്പത്തിക കുറ്റകൃത്യങ്ങളില് ഏര്പ്പെട്ടിട്ടുള്ളതിനാല് മുഖ്യമന്ത്രി സ്ഥാനത്ത് തുടരാന്
കെജ്രിവാളിനെ അനുവദിക്കരുതെന്നായിരുന്നു ഹര്ജിയിലെ ആവശ്യം.