കണിച്ചാര് : പൂളക്കുറ്റിയിലെ ദുരിതബാധിതരെ സഹായിക്കുന്നതിനായി കണിച്ചാര് പഞ്ചായത്ത് കുടുംബശ്രീ സി.ഡി.എസിന്റെ നേതൃത്വത്തില് സമാഹരിച്ച തുക പഞ്ചായത്തിന് കൈമാറി. സി.ഡി.എസ് വൈസ് ചെയര്പേഴ്സണ് പ്രമീള സുരേന്ദ്രനാണ് പഞ്ചായത്ത് പ്രസിഡണ്ട് ആന്റണി സെബാസ്റ്റ്യന് തുക കൈമാറിയത്. 87000 രൂപയാണ് പഞ്ചായത്തിലെ 153 കുടുംബശ്രീകളില് നിന്നും പിരിച്ചെടുത്തത്. ഇതില് 75000 രൂപ ദുരന്ത മേഖലയില് കുടിവെള്ള പൈപ്പ് വാങ്ങിനല്കുന്നതിനും 12000 രൂപ ഭക്ഷ്യകിറ്റ് നല്കുന്നതിനുമാണ് വകയിരുത്തിയിട്ടുള്ളത്.