പറവൂര് താലൂക്ക് ആശുപത്രിയില് ഗുരുതര അനാസ്ഥ. മോര്ച്ചറിയില് സൂക്ഷിച്ചിരുന്ന മൃതദേഹം അഴുകി. പരുവത്തുരുത് സ്വദേശിയുടെ മൃതദേഹമാണ് മൊബൈല് ഫ്രീസര് തകരാറിലായതിനെ തുടര്ന്ന് അഴുകിയത്. ആരോഗ്യമന്ത്രിക്ക് ഉള്പ്പെടെ പരാതി നല്കി മകന് വിനീഷ്.
ഇക്കഴിഞ്ഞ 16നാണ് ശുചിമുറിയില് തലയിടിച്ച് വീണ് മരണപ്പെട്ട പരുവത്തുരുത്ത് സ്വദേശിയുടെ മൃതദേഹം പറവൂര് താലൂക്ക് ആശുപത്രിയിലെ മൊബൈല് ഫ്രീസറില് സൂക്ഷിക്കുന്നത്. അസ്വഭാവിക മരണമെന്ന റിപ്പോര്ട്ടുള്ളതിനാല് പോസ്റ്റ്മോര്ട്ടം ചെയ്യുന്നതിനു വേണ്ടിയാണ് ഫ്രീസറില് സൂക്ഷിച്ചത്. പിറ്റേന്ന് രാവിലെ എട്ടു മണിയോടുകൂടി മൃതദേഹം പോസ്റ്റ്മോര്ട്ടത്തിനായി കളമശ്ശേരി മെഡിക്കല് കോളേജില് എത്തിച്ചു. അപ്പോഴാണ് മൃതദേഹം അഴുകി എന്നുള്ള കാര്യം ബന്ധുക്കള് അറിയുന്നത്.
