സംസ്ഥാനത്തെ പ്ലസ് ടു പരീക്ഷ ഫലം മെയ് 21 ന് പ്രഖ്യാപിക്കും. ഹയര് സെക്കണ്ടറി പരീക്ഷയുടെ മൂല്യനിര്ണ്ണയം പൂര്ത്തിയായതായി മന്ത്രി വി ശിവന്കുട്ടി അറിയിച്ചു. 444707 വിദ്യാര്ത്ഥികളാണ് രണ്ടാം വര്ഷ പരീക്ഷയ്ക്ക് രജിസ്റ്റര് ചെയ്തത്. ടാബുലേഷന് പ്രവൃത്തികള് നടന്നു വരികയാണ്. മെയ് 14 ന് ബോര്ഡ് മീറ്റിംഗ് കൂടി മെയ് 21 ന് പരീക്ഷാ ഫലം പ്രസിദ്ധീകരിക്കും. ഒന്നാം വര്ഷ ഹയര് സെക്കണ്ടറി പരീക്ഷയുടെ മൂല്യനിര്ണയവും നടന്നു വരികയാണ്. 413581 വിദ്യാര്ത്ഥികളാണ് ഒന്നാം വര്ഷ പരീക്ഷയ്ക്ക് രജിസ്റ്റര് ചെയ്തത്. ടാബുലേഷന് പ്രവൃത്തികള് പൂര്ത്തിയാക്കി ഒന്നാം വര്ഷ പരീക്ഷാ ഫലം ജൂണ് മാസം പ്രസിദ്ധീകരിക്കുന്നതാണെന്നും മന്ത്രി അറിയിച്ചു.
