തുലാമാസ പൂജകള്ക്കായി ശബരിമല നട ഇന്ന് തുറക്കും. വൈകീട്ട് അഞ്ചുമണിക്കാണ് നട തുറക്കുക. വൈകിട്ട് നാലിന് തന്ത്രി കണ്ഠര് മഹേഷ് മോഹനരുടെ സാന്നിധ്യത്തില് മേല്ശാന്തി അരുണ്കുമാര് നമ്പൂതിരിയാണ് നട തുറക്കുക. ശനിയാഴ്ച രാവിലെ അഞ്ച് മുതല് ഭക്തര്ക്ക് ദര്ശനം ഉണ്ടാകും.
വൈകിട്ട് അഞ്ചിനാണ് തുറക്കുക. ദ്വാരപാലക ശില്പങ്ങളുടെ സ്വര്ണ്ണം പൂശിയ പാളികള് വൈകിട്ട് നാലിന് പുനഃസ്ഥാപിക്കും. അറ്റകുറ്റപ്പണി പൂര്ത്തിയാക്കി ചെന്നൈയില് നിന്ന് തിരികെ എത്തിച്ച ദ്വാരപാലക ശില്പങ്ങളുടെ സ്വര്ണ്ണം പൂശിയ പാളികളാണ് പുനഃസ്ഥാപിക്കുന്നത്.
ഹൈക്കോടതി അനുമതിയോടെയാണ് നടപടി. ശബരിമല, മാളികപ്പുറം മേല്ശാന്തി നറുക്കെടുപ്പ് നാളെ സന്നിധാനത്ത് നടക്കും. മേല്ശാന്തി നറുക്കെടുപ്പും സന്നിധാനത്ത് നടക്കും. 14 പേരാണ് ശബരിമല മേല്ശാന്തിയുടെ സാധ്യത പട്ടികയില് ഉള്ളത്. 13 പേരില് നിന്നാണ് മാളികപ്പുറം മേല്ശാന്തിയെ തിരഞ്ഞെടുക്കുക.
രാഷ്ട്രപതിയുടെ സന്ദര്ശനത്തിനു മുന്നോടിയായുള്ള ഒരുക്കങ്ങളും സന്നിധാനത്ത് പുരോഗമിക്കുകയാണ്. 22ന് തീര്ത്ഥാടകര്ക്ക് നിയന്ത്രണമുണ്ട്. രാഷ്ട്രപതിയുടെ ശബരിമല ദര്ശനത്തിനായി ഗൂര്ഖ എമര്ജന്സി വാഹന വ്യൂഹമുള്പ്പെടെ ഉപയോഗിക്കുന്നതില് ഹൈക്കോടതി അനുമതി നല്കി. തിരുവിതാംകൂര് ദേവസ്വം ബോര്ഡിന്റെ അപേക്ഷ പരിഗണിച്ചാണ് നടപടി.
