അറുപത്തിനാലാമത് സംസ്ഥാന സ്കൂള് കലോത്സവത്തിന് തൃശൂരില് ഇന്ന് തിരി തെളിയും. അഞ്ച് ദിവസം 25 വേദികളിലായി നടക്കുന്ന കലാമത്സരങ്ങളില് 15,000 പ്രതിഭകള് മാറ്റുരയ്ക്കും. തൃശൂരിന്റെ പൂരപ്രൗഢിയുടെ പ്രഖ്യാപനമെന്നോണം പാണ്ടിമേളവും കുടമാറ്റവും നടക്കും. 64ാം കലോത്സവത്തെ സൂചിപ്പിച്ച് 64 കുട്ടികള് കുടമാറ്റത്തില് അണിനിരക്കും. പൂക്കളുടെ പേരു നല്കിയ 25 വേദികളിലായാണു മത്സരങ്ങള് സംഘടിപ്പിക്കുന്നത്.
