സിപിഐഎം പൊളിറ്റ്ബ്യൂറോ അംഗവും മുന് സംസ്ഥാന സെക്രട്ടറിയുമായ കോടിയേരി ബാലകൃഷ്ണന്റെ (68) ഭൗതീകശരീരം തലശേരി ടൗണ് ഹാളില് എത്തിച്ചു. എയര് ആംബുലന്സില് ചെന്നൈ വിമാനത്താവളത്തില്നിന്ന് കണ്ണൂര് വിമാനത്താവളത്തിലെത്തിച്ച മൃതദേഹം തലശേരി ടൗണ് ഹാളിലേക്ക് വിലാപയാത്രയായാണ് എത്തിച്ചത്.
കണ്ണൂരിന്റെ പാതയോരങ്ങളില് പ്രിയസഖാവിനെ കാത്ത് ആയിരങ്ങളാണ് അണിനിരന്നത്. മുഷ്ടിചുരുട്ടി മുദ്രവാക്യങ്ങളുയര്ത്തി അവര് കോടിയേരിയുടെ ഭൗതിക ശരീരത്തെ വരവേറ്റു. മട്ടന്നൂരും കൂത്തുപറമ്പും കതിരൂരും കോടിയേരിക്ക് വികാരനിര്ഭരമായിരുന്നു യാത്രയയപ്പ്. നെല്ലൂന്നി, ഉരുവച്ചാല്, നീര്വേലി എന്നിവിടങ്ങളില് അന്തിമോപചാരം അര്പ്പിച്ചു.
