മീനാക്ഷിപുരത്ത് സ്വര്ണ വ്യാപാരിയെ ആക്രമിച്ച് 75 പവന് സ്വര്ണം തട്ടിയെടുത്ത കേസില് അര്ജുന് ആയങ്കിയെ കൂടുതല് ചോദ്യം ചെയ്യാന് അന്വേഷണ സംഘം ഇന്ന് കസ്റ്റഡി അപേക്ഷ സമര്പ്പിച്ചേക്കും. ചിറ്റൂര് സബ് കോടതിയിലാണ് മീനാക്ഷിപുരം പൊലീസ് കസ്റ്റഡി അപേക്ഷ സമര്പ്പിക്കുക. കവര്ച്ചയ്ക്ക് സഹായം നല്കിയ കൂടുതല് പേരെ കണ്ടെത്തി ചോദ്യം ചെയ്യാന് ഒരുങ്ങുകയാണ് പൊലീസ്. കേസില് സിപിഎം നേതാക്കള് ഉള്പ്പെടെ പതിനൊന്ന് പേരെ പൊലീസ് നേരത്തെ അറസ്റ്റ് ചെയ്തിരുന്നു. കഴിഞ്ഞ മാര്ച്ച് 26നാണ് തൃശൂരില് നിന്നും മധുരയിലെ ജ്വല്ലറിയിലേക്ക് സ്വര്ണാഭരണങ്ങള് കൊണ്ടു പോയ വ്യാപാരിയെ അക്രമിച്ച് സ്വര്ണം തട്ടിയത്.