Hivision Channel

സെന്‍ട്രല്‍ മുരിങ്ങോടിയില്‍ വാഹനാപകടം

സെന്‍ട്രല്‍ മുരിങ്ങോടിയില്‍ വാഹനാപകടം. നിയന്ത്രണം വിട്ട ഇന്നോവ വൈദ്യുതി പോസ്റ്റിലിടിച്ചാണ് അപകടം ഉണ്ടായത്.

മേല്‍മുരിങ്ങോടിയില്‍ നിന്നും മുരിങ്ങോടി ഭാഗത്തേക്ക് അമിതവേഗത്തില്‍ വന്ന കെഎല്‍ 10 എ വി 3447 നമ്പര്‍ ഇന്നോവ നിയന്ത്രണം വിട്ട് വൈദ്യുത തൂണിലിടിച്ച് 50 മീറ്റളോളം നീങ്ങി എതിര്‍ ദിശയിലെ മതിലില്‍ ഇടിച്ചാണ് നിന്നത്.

ഇടിയുടെ ആഘാതത്തില്‍ വൈദ്യുത തൂണ്‍ പൊട്ടിവീണ് മുരിങ്ങോടി,സെന്‍ട്രല്‍ മുരിങ്ങോടി ഭാഗത്തേക്കുള്ള ഗതാഗതം തടസപ്പെട്ടിരുന്നു. കെ.എസ്.ഇ.ബി അധികൃതര്‍ സ്ഥലത്തെത്തി വൈദ്യുത കമ്പികള്‍ മുറിച്ചു മാറ്റിയാണ്
ഗതാഗതം പുനസ്ഥാപിച്ചത്.

പേരാവൂര്‍ പോലീസും സ്ഥലത്തെത്തിയിരുന്നു. അപകടത്തില്‍ ആര്‍ക്കും പരിക്കില്ല.

Leave a Comment

Your email address will not be published. Required fields are marked *