ലോക്സഭ തിരഞ്ഞെടുപ്പുമായി ബന്ധപ്പെട്ട് മാധ്യമങ്ങള് ശ്രദ്ധിക്കേണ്ട വിവിധ വിഷയങ്ങളെക്കുറിച്ച് മാധ്യമ പ്രവര്ത്തകര്ക്ക് പരിശീലനം നല്കി. മാതൃക പെരുമാറ്റ ചട്ടം, വ്യാജ വാര്ത്ത, രാഷ്ട്രീയ പരസ്യങ്ങളുടെ പ്രീ സര്ട്ടിഫിക്കേഷന് എന്നിവയെ സംബന്ധിച്ചായിരുന്നു ക്ലാസ്സ്. കളക്ട്രേറ്റ് കോണ്ഫറന്സ് ഹാളില് നടന്ന പരിശീലന പരിപാടി ജില്ലാ തിരഞ്ഞെടുപ്പ് ഓഫീസര് അരുണ് കെ വിജയന് ഉദ്ഘാടനം ചെയ്തു. മാസ്റ്റര് ട്രെയിനര് എം പി വിനോദ്കുമാര് ക്ലാസെടുത്തു.സബ്കലക്ടര് സന്ദീപ് കുമാര്, ഫിനാന്സ് ഓഫീസര് ശിവപ്രകാശന് നായര്, ജില്ലാ ട്രെയിനിങ്ങ് നോഡല് ഓഫീസര് നെനോജ് മേപ്പടിയത്ത്, ജില്ലാ ഇന്ഫര്മേഷന് ഓഫീസര് ഇ കെ പത്മനാഭന്, ഐടി മിഷന് ജില്ലാ പ്രൊജക്ട് ഓഫീസര് മിഥുന് കൃഷ്ണ എന്നിവര് പങ്കെടുത്തു.