സംസ്ഥാനത്ത് ചൂട് കനക്കുന്നതിനിടെ അടുത്ത 5 ദിവസത്തേക്കുള്ള മഴ സാധ്യത പ്രവചിച്ച് കേന്ദ്ര കാലാവസ്ഥാവകുപ്പ്. വിവിധ ജില്ലകളില്‍ കേന്ദ്ര കാലാവസ്ഥാവകുപ്പ് മഞ്ഞ അലേര്‍ട്ട് പ്രഖ്യാപിച്ചു. കോഴിക്കോട്, വയനാട്, കണ്ണൂര്‍ എന്നീ ജില്ലകളിലാണ് മഞ്ഞ അലേര്‍ട്ട് പ്രഖ്യാപിച്ചിരിയ്ക്കുന്നത്. ഈ ജില്ലകളില്‍ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു. വിവിധയിടങ്ങളില്‍ ഇടവിട്ട് മഴ പെയ്തിരുന്നുവെങ്കിലും വടക്കന്‍ ജില്ലകളിലേക്ക് മഴയെത്തിയിരുന്നില്ല. എന്നാല്‍ ഇന്നത്തെ മഴ മുന്നറിയിപ്പ് പ്രകാരം വടക്കന്‍ ജില്ലകളിലാണ് മഴ പ്രവചിച്ചിട്ടുള്ളത്.
