പേരാവൂര്‍:സംസ്ഥാന ചെസ്സ് ടെക്‌നിക്കല്‍ കമ്മിറ്റിയുടെ ആഭിമുഖ്യത്തില്‍ ജില്ലാ ഓര്‍ഗനൈസിംഗ് ചെസ്സ് കമ്മിറ്റി സംഘടിപ്പിച്ച കണ്ണൂര്‍ ജില്ലാ ഓപ്പണ്‍ ചെസ്റ്റ് ചാമ്പ്യന്‍ഷിപ്പ് പേരാവൂര്‍ റോബിന്‍സ് ഓഡിറ്റോറിയത്തില്‍ വെച്ചു നടന്നു.
കൊട്ടിയൂര്‍ സ്വദേശി ജിഷോര്‍ വി എം ചാമ്പ്യനായ മത്സരത്തില്‍, അജീഷ് ആന്റണി ,കാര്‍ത്തിക് രാജ് , സുനില്‍കുമാര്‍ വി ടി എന്നിവര്‍ രണ്ട് മുതല്‍ നാല് വരെ സ്ഥാനം കരസ്ഥമാക്കി.
പങ്കെടുത്ത എല്ലാ മത്സരാര്‍ത്ഥികള്‍ക്കും കേരള സ്‌പോര്‍ട്‌സ് കൗണ്‍സിലിന്റെ അംഗീകൃത സര്‍ട്ടിഫിക്കറ്റുകള്‍ നല്‍കി. ആദ്യ നാല് സ്ഥാനക്കാര്‍ സംസ്ഥാന സീനിയര്‍ ഓപ്പണ്‍ ചെസ്സ് ചാമ്പ്യന്‍ഷിപ്പില്‍ കണ്ണൂര്‍ ജില്ലയെ പ്രതിനിധാനം ചെയ്യും. സമാപന സമ്മേളനത്തില്‍ ഹരിദാസ് കെ, അബ്രഹാം മാത്യു, സുഗുണേഷ് ബാബു, എന്നിവര്‍ സംസാരിച്ചു.കെ രാജന്‍ മാസ്റ്റര്‍ സമ്മാനദാനം നിര്‍വഹിച്ചു.
