ഇന്ന് അധ്യാപകദിനം. വിദ്യാര്ത്ഥികളുടെയും സമൂഹത്തിന്റെയും ഭാവി രൂപപ്പെടുത്തുന്നതില് അധ്യാപകര് വലിയ പങ്കാണ് വഹിക്കുന്നത്. ഇന്ത്യയുടെ രണ്ടാമത്തെ രാഷ്ട്രപതിയും അധ്യാപകനും തത്വചിന്തകനുമായിരുന്ന ഡോക്ടര് എസ് രാധാകൃഷ്ണന്റെ ജന്മദിനമാണ് അധ്യാപകദിനമായി നാം ആചരിക്കുന്നത്.
ശിഷ്യന്മാരും സുഹൃത്തുക്കളും ജന്മദിനം ആഘോഷിക്കാന് അനുവദിക്കണമെന്ന് അഭ്യര്ഥിച്ചപ്പോള് തന്റെ ജന്മദിനം, തന്റെ പേരില് ആഘോഷിക്കുന്നതിനുപകരം അത് അധ്യാപക ദിനമായി ആചരിച്ചാല് ഏറെ അഭിമാനകരമാകുമെന്ന് ഡോക്ടര് രാധാകൃഷ്ണന് നിര്ദ്ദേശിക്കുകയായിരുന്നു.
അധ്യാപകര് കേവലം അറിവ് പകരുന്നവര് മാത്രമല്ല, മികവിനായി പരിശ്രമിക്കാന് വിദ്യാര്ത്ഥികളെ പ്രചോദിപ്പിക്കുന്ന ഉപദേഷ്ടാക്കളും വഴികാട്ടികളും റോള് മോഡലുകളുമാണ് അവര്.
അധ്യാപകദിനം കേവലം ഒരു ആചരണം മാത്രമല്ല. വ്യക്തി ജീവിതത്തിലും സമൂഹത്തില് മൊത്തത്തിലും അധ്യാപകര് ചെലുത്തുന്ന ആഴത്തിലുള്ള സ്വാധീനത്തെക്കുറിച്ച് ചിന്തിക്കാനുള്ള അവസരമാണിത്. അധ്യാപകരെ ആദരിക്കുന്നതിലൂടെയും അവരുടെ സംഭാവനകളെ അംഗീകരിക്കുന്നതിലൂടെയും, വിദ്യാഭ്യാസത്തിനും ഭാവി തലമുറയുടെ വികസനത്തിനുമുള്ള ജനതയുടെ പ്രതിബദ്ധതയാണ് യഥാര്ത്ഥത്തില് വെളിപ്പെടുന്നത്.
