കണ്ണൂര്‍:ഭക്ഷ്യപൊതുവിതരണ ഉപഭോക്തൃകാര്യ വകുപ്പിന്റെ കീഴില്‍ ജില്ലാതല ഉപഭോക്തൃ ദിനാഘോഷം ഉപഭോക്തൃ അവകാശ ജാലകം ജില്ലാ സ്പോര്‍ട്സ് കൗണ്‍സില്‍ ഹാളില്‍ രജിസ്ട്രേഷന്‍, പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്തു. ഉപഭോക്താക്കള്‍ വഞ്ചിക്കപ്പെടുന്ന ഇന്നത്തെ കാലത്ത് അവരില്‍ അവബോധം സൃഷ്ടിക്കാന്‍ കഴിയണമെന്ന് മന്ത്രി പറഞ്ഞു.
കണ്ണൂര്‍ കോര്‍പറേഷന്‍ മേയര്‍ മുസ്ലിഹ് മഠത്തില്‍ അധ്യക്ഷനായി. ജില്ലാ പഞ്ചായത്ത് പ്രസിഡന്റ് അഡ്വ. കെകെ രത്നകുമാരി മുഖ്യാതിഥിയായി. കണ്ണൂര്‍ കോര്‍പ്പറേഷന്‍ ക്ഷേമ കാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ സുരേഷ് ബാബു എളയാവൂര്‍, കൗണ്‍സിലര്‍ അഡ്വ. പി.കെ അന്‍വര്‍, ജില്ല ഉപഭോക്തൃ തര്‍ക്ക പരിഹാര കമ്മീഷന്‍ പ്രസിഡന്റ് അഡ്വ. രവിസുഷ, ജില്ലാ സപ്ലൈ ഓഫീസര്‍ ഇന്‍ ചാര്‍ജ് ഇകെ പ്രകാശന്‍, ജില്ലാ ഇന്‍ഫര്‍മേഷന്‍ ഓഫീസര്‍ പി പി വിനീഷ്, അസി. രജിസ്ട്രാര്‍ കെ ജി മനു എന്നിവര്‍ സംസാരിച്ചു.
ഉപഭോക്തൃ നീതിക്കായുള്ള ഡിജിറ്റല്‍ വഴികള്‍-വെര്‍ച്വല്‍ ഹിയറിങ് എന്ന വിഷയത്തില്‍ ജില്ലാ ഉപഭോക്തൃ തര്‍ക്ക പരിഹാര കമ്മീഷന്‍ അംഗം അഡ്വ. മോളിക്കുട്ടി മാത്യു സംസാരിച്ചു. ഉപഭോക്താക്കള്‍, ഉപഭോക്തൃ സംഘടനാ പ്രതിനിധികള്‍, അഭിഭാഷകര്‍ തുടങ്ങിയവര്‍ ഉപഭോക്തൃ സംരക്ഷണവുമായി ബന്ധപ്പെട്ട അനുഭവങ്ങള്‍ പങ്കുവെച്ച അവകാശസഭയും നടന്നു. ഉപഭോക്തൃ തര്‍ക്ക പരിഹാര കമ്മീഷന്‍ അംഗം അഡ്വ.സജീഷ് കെ പി മോഡറേറ്ററായി.
