കണ്ണൂര്‍: വടക്കന്‍ കേരളത്തിലെ ആരോഗ്യ രംഗത്ത് പുതു ചരിത്രമെഴുതി, കണ്ണൂര്‍ കിംസ് ശ്രീചന്ദ് ആശുപത്രിയില്‍ അത്യാധുനിക സൗകര്യങ്ങളോടുകൂടിയ ഫുള്‍-ഫ്‌ലെഡ്ജ്ഡ് പള്‍മണോളജി യൂണിറ്റ് ‘ലങ് കെയര്‍ സെന്റര്‍’ പ്രവര്‍ത്തനം ആരംഭിച്ചു. കണ്ണൂര്‍ അസിസ്റ്റന്റ് എക്‌സൈസ് കമ്മീഷണര്‍ സജിത്ത്, ലങ് കെയര്‍ സെന്ററിന്റെ ലോഞ്ചിങ് കര്‍മ്മം നിര്‍വഹിച്ചു.
കണ്ണൂരില്‍ ലഹരി വിരുദ്ധ പ്രവര്‍ത്തനങ്ങള്‍ക്ക് നേതൃത്വം നല്‍കുന്ന അസിസ്റ്റന്റ് എക്‌സൈസ് കമ്മീഷണര്‍ സജിത്തിനെ ചടങ്ങില്‍ ആദരിച്ചു. ലഹരി വിരുദ്ധ പ്രവര്‍ത്തനങ്ങള്‍ക്ക് കിംസ് ശ്രീചന്ദ് ആശുപത്രിയുടെ എല്ലാവിധ പിന്തുണയും ഉണ്ടാകുമെന്നും അധികൃതര്‍ അറിയിച്ചു.
ശ്വാസകോശ രോഗങ്ങള്‍ വര്‍ധിച്ചു വരുന്ന ഈ കാലഘട്ടത്തില്‍, അത്യാധുനിക പള്‍മണറി ക്രിട്ടിക്കല്‍ കെയര്‍ യൂണിറ്റും (PCCU) ഇന്റര്‍വെന്‍ഷണല്‍ പള്‍മണോളജി വിഭാഗവും ഉള്‍പ്പെടുന്ന ലങ് കെയര്‍ സെന്റര്‍, ശ്വാസകോശ സംബന്ധമായ രോഗങ്ങള്‍ക്ക് ഏറ്റവും മികച്ച ചികിത്സ വടക്കന്‍ കേരളത്തില്‍ തന്നെ ലഭ്യമാക്കുക എന്ന ലക്ഷ്യത്തോടെയാണ് ആരംഭിച്ചിരിക്കുന്നത്.
അത്യാധുനിക പള്‍മണോളജി യൂണിറ്റ്
ശ്വാസകോശ രോഗങ്ങള്‍, സിഒപിഡി, ശ്വാസകോശ അണുബാധ തുടങ്ങിയവ വര്‍ധിച്ചു വരുന്ന സാഹചര്യത്തില്‍, ഈ രംഗത്ത് വിദഗ്ദ്ധ ചികിത്സാ സൗകര്യങ്ങള്‍ അനിവാര്യമാണ്. ഈ തിരിച്ചറിവില്‍ നിന്നാണ് കിംസ് കണ്ണൂര്‍, അത്യാധുനിക പള്‍മണോളജി യൂണിറ്റിന് രൂപം നല്‍കിയിരിക്കുന്നത്. സങ്കീര്‍ണമായ ശ്വാസകോശ രോഗങ്ങള്‍ക്കും, ഗുരുതരമായ അവസ്ഥകള്‍ക്കും ഒരുപോലെ ചികിത്സ നല്‍കാന്‍ ശേഷിയുള്ള ഈ യൂണിറ്റ്, രോഗികള്‍ക്ക് വലിയ ആശ്വാസമാകും.
പള്‍മണറി ക്രിട്ടിക്കല്‍ കെയര്‍ യൂണിറ്റ് (PCCU)
ഗുരുതരമായ ശ്വാസകോശ രോഗങ്ങള്‍, എ ആര്‍ ഡി എസ് (അക്യൂട്ട് റെസ്പിറേറ്ററി ഡിസ്ട്രസ് സിന്‍ഡ്രോം), സങ്കീര്‍ണമായ ശ്വാസകോശ സംബന്ധമായ പ്രശ്‌നങ്ങള്‍ എന്നിവ കൈകാര്യം ചെയ്യാന്‍ അത്യാധുനിക സൗകര്യങ്ങളോടെ സജ്ജമാണ് കിംസിലെ പള്‍മണറി ക്രിട്ടിക്കല്‍ കെയര്‍ യൂണിറ്റ്. ഇവിടെ, രോഗികള്‍ക്ക് 24 മണിക്കൂറും മുതിര്‍ന്ന പള്‍മണോളജിസ്റ്റുകളുടെയും ക്രിട്ടിക്കല്‍ കെയര്‍ സ്‌പെഷ്യലിസ്റ്റുകളുടെയും വിദഗ്ദ്ധ പരിചരണം ഉറപ്പാക്കുന്നു. അത്യാവശ്യ ഘട്ടങ്ങളില്‍ ഉടനടി ചികിത്സ ലഭ്യമാക്കുന്നതിലൂടെ രോഗികളുടെ ജീവന്‍ രക്ഷിക്കാന്‍ ഈ യൂണിറ്റ് മുന്‍പന്തിയില്‍ ഉണ്ടാകും. കൂടാതെ, ഒരുപാട് ഡോക്ടര്‍മാരുടെ കൂട്ടായ പ്രവര്‍ത്തനത്തിലൂടെ ഉയര്‍ന്നുവരുന്ന വിദഗ്ധ നിര്‍ദേശങ്ങള്‍ രോഗിയുടെ ചികിത്സയെ കൂടുതല്‍ ഫലപ്രദമാക്കുന്നു.
ഇന്റര്‍വെന്‍ഷണല്‍ പള്‍മണോളജി
കിംസ് കണ്ണൂര്‍ പള്‍മണോളജി യൂണിറ്റിലെ ഇന്റര്‍വെന്‍ഷണല്‍ പള്‍മണോളജി വിഭാഗം, ശ്വാസകോശ രോഗ ചികിത്സയില്‍ ഒരു നിര്‍ണ്ണായക മുന്നേറ്റമാണ്. ശസ്ത്രക്രിയകളില്ലാത്ത നൂതന ചികിത്സാ രീതികളാണ് ഈ വിഭാഗത്തിന്റെ പ്രധാന ആകര്‍ഷണം. ബ്രോങ്കോസ്‌കോപ്പി, എന്‍ഡോബ്രോങ്കിയല്‍ അള്‍ട്രാസൗണ്ട് (EBUS), ക്രയോതെറാപ്പി, എയര്‍വേ സ്റ്റെന്റിംഗ് തുടങ്ങിയ നൂതന സാങ്കേതിക വിദ്യകള്‍ ഉപയോഗിച്ച് ചെറിയ മുറിവുകളിലൂടെ കൃത്യമായ രോഗനിര്‍ണയവും ചികിത്സയും ഇവിടെ സാധ്യമാക്കുന്നു.
ഈ ചികിത്സാരീതികള്‍ ശസ്ത്രക്രിയ ഒഴിവാക്കാനും, ആശുപത്രി വാസം കുറയ്ക്കാനും, രോഗിയുടെ ആരോഗ്യസ്ഥിതി മെച്ചപ്പെടുത്താനും സഹായിക്കുന്നു. പലപ്പോഴും രോഗികള്‍ക്ക് ഒരു ദിവസം കൊണ്ട് തന്നെ ആശുപത്രി വിട്ട് പോകാന്‍ സാധിക്കുന്നു എന്നത് ഇതിന്റെ ഏറ്റവും വലിയ പ്രത്യേകതയാണ്. ഇന്റര്‍വെന്‍ഷണല്‍ പള്‍മണോളജി വിഭാഗം ശ്വാസകോശ കാന്‍സര്‍ നേരത്തേ കണ്ടെത്താനും, ഫലപ്രദമായി ചികിത്സിക്കാനും സഹായിക്കുന്നു.
സാങ്കേതികവിദ്യയും രോഗി സൗഹൃദ സമീപനവും
കിംസ് കണ്ണൂര്‍ പള്‍മണോളജി യൂണിറ്റ്, അത്യാധുനിക സാങ്കേതികവിദ്യക്കും രോഗി സൗഹൃദ സമീപനത്തിനും ഒരുപോലെ പ്രാധാന്യം നല്‍കുന്നു. പുതിയ വെന്റിലേറ്ററുകള്‍, നോണ്‍-ഇന്‍വേസിവ് വെന്റിലേഷന്‍ (NIV), ഹൈ-എന്‍ഡ് ഇമേജിംഗ് തുടങ്ങിയ അത്യാധുനിക സൗകര്യങ്ങള്‍ മികച്ച രോഗനിര്‍ണയത്തിനും ചികിത്സക്കും ഇവിടെ ഉപയോഗിക്കുന്നു. കൃത്യമായ ശ്വാസകോശ വിലയിരുത്തലിനായി കോംപ്രിഹെന്‍സീവ് ലംഗ് ഫങ്ക്ഷന്‍ ടെസ്റ്റുകള്‍ (PFT, DLCO, FeNO) ഇവിടെ ലഭ്യമാണ്. ചികിത്സക്ക് ശേഷം രോഗികള്‍ക്ക് ശരിയായ പരിചരണവും, ആരോഗ്യവും വീണ്ടെടുക്കാന്‍ റീഹാബിലിറ്റേഷന്‍ പ്രോഗ്രാമുകളും ഈ യൂണിറ്റിന്റെ ഭാഗമായി ഒരുക്കിയിട്ടുണ്ട്.
കണ്ണൂരില്‍ ആരംഭിച്ച ഈ അത്യാധുനിക പള്‍മണോളജി യൂണിറ്റ്, വടക്കന്‍ കേരളത്തിലെ ജനങ്ങള്‍ക്ക് ശ്വാസകോശ രോഗങ്ങളുടെ ചികിത്സയില്‍ പുതിയ പ്രതീക്ഷ നല്‍കുന്നു. മികച്ച ഡോക്ടര്‍മാരും, അത്യാധുനിക സൗകര്യങ്ങളും, രോഗി സൗഹൃദ സമീപനവും കിംസ് കണ്ണൂര്‍ പള്‍മണോളജി യൂണിറ്റിനെ വേറിട്ടതാക്കുന്നു.
വാര്‍ത്താ സമ്മേളനത്തില്‍ കിംസ് കേരള ക്ലസ്റ്റര്‍ സിഇഒ ആന്‍ഡ് ഡയറക്ടര്‍ ഫര്‍ഹാന്‍ യാസീന്‍, കിംസ് ശ്രീചന്ദ് ഹോസ്പിറ്റല്‍ യൂണിറ്റ് മേധാവി ഡോ. ദില്‍ഷാദ് ടി.പി, സ്‌പെഷ്യലിസ്റ്റ് ഇന്റര്‍വെന്‍ഷണല്‍ പള്‍മണോളജി ഡോക്ടര്‍ ജുനൈദ് ഹുസൈന്‍, കണ്‍സള്‍ട്ടന്റ് പള്‍മണോളജിസ്റ്റ് ഡോക്ടര്‍ ഫിലിപ്‌സ് ആന്റണി, കണ്‍സള്‍ട്ടന്റ് പള്‍മണോളജിസ്റ്റ് ഡോക്ടര്‍ സാബിര്‍ സി, അസോസിയേറ്റ് കണ്‍സള്‍ട്ടന്റ് ക്രിട്ടിക്കല്‍ കെയര്‍ ഡോക്ടര്‍ സനില്‍ വി എന്നിവര്‍ പങ്കെടുത്തു.
