പോക്സോ കേസ് പ്രതി സ്കൂള് പ്രവേശനോത്സവത്തില് പങ്കെടുത്ത സംഭവത്തില് വിശദീകരണം തേടി വിദ്യാഭ്യാസ മന്ത്രി. തിരുവനന്തപുരം ഫോര്ട്ട് ഹൈസ്കൂളിലാണ് പോക്സോ കേസ് പ്രതിയായ മുകേഷ് എം നായര് മുഖ്യാതിഥിയായി എത്തിയത്. സംഭവത്തെ കുറിച്ച് അന്വേഷിച്ച് റിപ്പോര്ട്ട് നല്കാന് വിദ്യാഭ്യാസ വകുപ്പ് ഡയറക്ടര്ക്ക് നിര്ദേശം നല്കി.
റീല്സ് ഷൂട്ടിംഗിനിടെ പ്രായപൂര്ത്തിയാകാത്ത പെണ്കുട്ടിയോട് ലൈംഗിക അതിക്രമം കാണിച്ചെന്ന കേസിലെ പ്രതിയാണ് മുകേഷ് എം നായര്. മുകേഷിനെതിരെ കോവളം സ്റ്റേഷനില് പോക്സോ കേസ് നിലവിലുണ്ട്. ഇതുമായി ബന്ധപ്പെട്ട് അന്വേഷണം പുരോഗമിക്കുന്നതിനിടയാണ് മുകേഷ് എം നായര് മുഖ്യാതിഥിയായി പങ്കെടുത്തത്.
പോക്സോ കേസ് പ്രതികളായ അധ്യാപകര്ക്ക് എതിരെ കര്ശന നടപടി എടുക്കാന് സര്ക്കാര് കഴിഞ്ഞ ദിവസം ഉത്തവിട്ടിരുന്നു. ഇതേ ദിവസം തന്നെയാണ് അതിഥിയായി പോക്സോ പ്രതി എത്തുന്നത്. തുടര്ന്നാണ് മന്ത്രി അടിയന്തര റിപ്പോര്ട്ട് ആവശ്യപ്പെട്ടിരിക്കുന്നത്.
