കൊച്ചിയിലും അമീബിക് മസ്തിഷ്കജ്വരം സ്ഥിരീകരിച്ചു. ഇടപ്പള്ളിയില് താമസിക്കുന്ന ലക്ഷദ്വീപ് സ്വദേശിക്കാണ് രോഗബാധ. സാമ്പിള് വിദഗ്ധ പരിശോധനയ്ക്ക് അയച്ചു. രോഗി നിലവില് സ്വകാര്യ ആശുപത്രിയില് ചികിത്സയിലാണ്. സംസ്ഥാനത്ത് വലിയ ആശങ്കയാണ് അമീബിക് മസ്തിഷ്ക ജ്വരം സൃഷ്ടിക്കുന്നത്. ആരോഗ്യവകുപ്പ് വലിയ പ്രതിരോധ പ്രവര്ത്തനങ്ങള് നടത്തുന്നുണ്ടെങ്കിലും മരണനിരക്ക് വര്ധിക്കുന്നത് ആശങ്ക ഉണ്ടാക്കുന്നുണ്ട്.
കെട്ടിക്കിടക്കുന്ന വെള്ളത്തില് മുങ്ങിക്കുളിക്കുന്നവരിലും നീന്തുന്നവരിലും വളരെ അപൂര്വമായി ഉണ്ടാകുന്ന രോഗബാധയാണ് അമീബിക് മസ്തിഷ്ക ജ്വരം. 97 ശതമാനത്തിലധികം മരണനിരക്കുള്ള രോഗമാണിത്. കഴിഞ്ഞമാസം 65 പേര്ക്കാണ് രോഗബാധ റിപ്പോര്ട്ട് ചെയ്തത്.സംസ്ഥാനത്ത് ഈ വര്ഷം ഇതുവരെ രോഗം ബാധിച്ചു മരിച്ചവരുടെ എണ്ണം 33 ആയി. പല കേസുകളിലും രോഗബാധയുടെ ഉറവിടം കണ്ടെത്താന് കഴിഞ്ഞിട്ടില്ല.
