കാലടിയില് വോട്ട് ചെയ്യാന് എത്തിയയാള് കുഴഞ്ഞു വീണു മരിച്ചു. ശ്രീമൂലനഗരം ഹെര്ബട്ട് ലക്ഷംവീട് കോളനിയിലെ ബാബു ആണ് മരിച്ചത്. ശ്രീമൂലനഗരം അകവൂര് സ്കൂളിലാണ് വോട്ട് ചെയ്യാന് വന്നത്. പോളിങ്ങ് ബൂത്തില് വച്ച് ബാബു കുഴഞ്ഞ് വീഴുകയായിരുന്നു.ഉടന് സമീപത്തുളള ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം ആശുപത്രിയില് സൂക്ഷിച്ചിരിക്കുകയാണ്.
കൊല്ലത്തും വോട്ട് ചെയ്യാനെത്തിയ വയോധികന് കുഴഞ്ഞുവീണ് മരിച്ചു. നീരാവില് സ്വദേശി ശശിധരന് (74) ആണ് മരിച്ചത്. നീരാവില് എസ്എന്ഡിപി സ്കൂളിലെ ബൂത്തിലാണ് സംഭവം. ബൂത്തില് കുഴഞ്ഞുവീണ വയോധികനെ മതിലില് മാതാ ഹോസ്പിറ്റലില് എത്തിച്ചെങ്കിലും മരിച്ചിരുന്നു. മൃതദേഹം ആശുപത്രിയില് സൂക്ഷിച്ചിരിക്കുകയാണ്.
