ബഹിരാകാശ സഞ്ചാരിയും ഇന്ത്യന് വംശജയുമായ സുനിത വില്യംസ് നാസയില് നിന്നും വിരമിച്ചു. 27 വര്ഷത്തെ സേവനം പൂര്ത്തിയാക്കിയ ശേഷമാണ് സുനിത വില്യംസ് വിരമിച്ചത്. ഇന്ത്യന് വംശജയായ സുനിത വില്യംസ് 1998-ലാണ് നാസയുടെ ഭാഗമാകുന്നത്. അന്താരാഷ്ട്ര ബഹിരാകാശ നിലയത്തിലേക്കുള്ള മൂന്ന് ദൗത്യങ്ങളിലായി 608 ദിവസം സുനിത ബഹിരാകാശത്ത് ചെലവഴിച്ചിട്ടുണ്ട്.
2024ല് എട്ടു ദിവസത്തെ ദൗത്യത്തിനായി അന്താരാഷ്ട്ര ബഹിരാകാശ നിലയത്തിലേക്ക് പോയ സുനിത വില്യംസും ബുച്ച് വില്മോറും ബോയിങ് സ്റ്റാര്ലൈനര് പേടകത്തിന്റെ തകരാറുകള് മൂലം ഒമ്പതു മാസത്തിലധികം അന്താരാഷ്ട്ര ബഹിരാകാശ നിലയത്തില് ചെലവിടേണ്ടതായി വന്നിരുന്നു. 2006 ഡിസംബര് ഒന്പതിന് ഡിസ്കവറിയിലേറിയാണ് സുനിത ആദ്യമായി ബഹിരാകാശത്തെത്തിയത്. 2012 ജൂലൈ 14നായിരുന്നു രണ്ടാം ദൗത്യം. ഈ ദൗത്യത്തില് സ്റ്റേഷന് റേഡിയേറ്ററിലെ അമോണിയ ചോര്ച്ച പരിഹരിച്ചതുള്പ്പടെ മൂന്ന് ബഹിരാകാശ നടത്തവും സുനിത നടത്തി.
