സംസ്ഥാന തിരഞ്ഞെടുപ്പ് ഓഫീസര് വിളിച്ച രാഷ്ട്രീയ പാര്ട്ടികളുടെ യോഗം ഇന്ന് ഉച്ചതിരിഞ്ഞ് മൂന്നിന്. പെരുമാറ്റചട്ടം സംബന്ധിച്ചും, മറ്റ് തിരഞ്ഞെടുപ്പ് മാര്ഗനിര്ദേശങ്ങളും യോഗത്തില് വ്യക്തമാക്കും. പൊതുജനങ്ങള്ക്കുള്ള മാര്ഗനിര്ദേശങ്ങളും യോഗത്തില് വിശദീകരിക്കും.ചീഫ് ഇലക്ടറല് ഓഫീസര് സംസ്ഥാന പൊലീസ് മേധാവിയുമായി ആശയവിനിമയം നടത്തിയിരുന്നു. ക്രമസമാധാന പ്രശ്നങ്ങള്, പ്രശ്നബാധിത മേഖലകള് തുടങ്ങിയവ ചര്ച്ചയായി.
പ്രശ്നബാധിത ബൂത്തുകള്, കേന്ദ്ര സേനകളുടെ വിന്യാസം തുടങ്ങിയവ സംബന്ധിച്ച റിപ്പോര്ട്ട് ചീഫ് ഇലക്ടറല് ഓഫീസര് കേന്ദ്ര തെരഞ്ഞെടുപ്പ് കമ്മീഷന് കൈമാറിയിട്ടുണ്ട്.തെരഞ്ഞെടുപ്പിന് സംസ്ഥാനം എല്ലാ തരത്തിലും സജ്ജമാണെന്ന് മുഖ്യ തിരഞ്ഞെടുപ്പ് ഓഫീസര് രത്തന് യു ഖേല്ക്കര് അറിയിച്ചു.
തിരഞ്ഞെടുപ്പ് തീയതി പ്രഖ്യാപിച്ചതോടെ രാഷ്ട്രീയ കേരളം തിരഞ്ഞെടുപ്പ് ചൂടിലേക്ക് കടന്നിരിക്കുകയാണ്. സ്ഥാനാര്ഥികളെ പ്രഖ്യാപിച്ച് സിപിഐഎമ്മും, സിപിഐയും പ്രചാരണം തുടങ്ങി. കോണ്ഗ്രസിന്റെ ആദ്യഘട്ട സ്ഥാനാര്ത്ഥി പട്ടിക ഇന്ന് പ്രഖ്യാപിച്ചേക്കും. അവസാനഘട്ട ചര്ച്ചകള്ക്കായി നേതാക്കള് ഇന്ന് വീണ്ടും ഡല്ഹിയില് എത്തും. സിറ്റിംഗ് എംഎല്എമാര് സംവരണ സീറ്റുകള് ഒറ്റ പേരില് എത്തിയ മണ്ഡലങ്ങള് എന്നിവയാകും ആദ്യഘട്ട പട്ടികയില് ഉണ്ടാവുക. കെ സുധാകരന് നാളെ ഹൈക്കമാന്ഡുമായി കൂടിക്കാഴ്ച നടത്തും.
