കണ്ണൂര് അഞ്ചരക്കണ്ടിയില് ബിഡിഎസ് വിദ്യാര്ഥി നിതിന് രാജിന്റെ മരണം അത്യന്തം വേദനയുണ്ടാക്കുന്നതെന്ന് മുഖ്യമന്ത്രി പിണറായി വിജയന്. പുരോഗമന കേരളത്തിന് ഒരു തരത്തിലും അംഗീകരിക്കാന് കഴിയാത്ത വാര്ത്തകളാണ് മരണവുമായി ബന്ധപ്പെട്ട് പുറത്തു വരുന്നത്. വിദ്യാര്ഥിയെ മരണത്തിലേക്ക് തള്ളിവിട്ടത് ആരായാലും മാപ്പര്ഹിക്കാത്ത കുറ്റമാണെന്നും മുഖ്യമന്ത്രി പറഞ്ഞു.
ഡോ. ബി.ആര്. അംബേദ്കറുടെ ജന്മദിനവുമായി ബന്ധപ്പെട്ട് സാമൂഹ്യമാധ്യമങ്ങളില് പങ്കുവച്ച കുറിപ്പിലാണ് നിതിന് രാജിനെ കുറിച്ചും പരാമര്ശമുള്ളത്.
